Փոփոխություններ՝ Ընդերքի մասին օրենքում․ կբացառվեն անդառնալի վնաս հասցնելու դեպքերը․ ՏԵՍԱՆՅՈՒԹ

ԱԺ տնտեսական հարցերի հանձնաժողովի արտահերթ նիստում երկրորդ ընթերցմամբ քննարկվում է «ՀՀ ընդերքի մասին օրենսգրքում փոփոխություններ և լրացումներ կատարելու մասին»և Վարչական իրավախախտումների մասին օրենսգրքում լրացում կատարելու մասին օրենքների նախագծերի լրամշակված փաթեթը, այն ներկայացնում է Տարածքային կառավարման և ենթակառուցվածքների նախարարի տեղակալ Հովհաննես Հարությունյանը:
Հարությունյանը նշեց, որ առաջին ընթերցումից հետո Կառավարության ներկայացրած առաջարկների հիման վրա փաթեթը լրամշակվել է, կատարվել են և՛ տեխնիկական, և՛ բովանդակային փոփոխություններ

Նախագծերի փաթեթով առաջարկվում է սահմանել գետերի հունի արգելապատնեշների կառուցման նպատակով օգտակար հանածոյի հանույթի միանգամյա թույլտվության տրամադրման ընթացակարգ: Նախատեսվում է նաև սահմանել սահմանային գետերի գետաողողատներից ավազ արդյունահանող կազմակերպությունների կողմից գետի հունից արդյունահանման դեպքերի հայտնաբերման գործիքակազմ` իրավախախտում կատարած անձանց հայտնաբերելու նպատակով, որը հիմնականում պայմանավորված է Արաքս գետի շուրջ ստեղծված հիմնախնդիրների լուծման անհրաժեշտությամբ:

Օրինագծի համաձայն՝ սահմանային շերտում սահմանային գետերի գետաողողատներից ավազ արդյունահանելու նպատակով ընդերքօգտագործման իրավունք կրող անձանց կողմից տվյալ գետի հունից ավազ արդյունահանելն առաջացնում է տուգանքի նշանակում կազմակերպության պաշտոնատար անձանց նկատմամբ` սահմանված նվազագույն աշխատավարձի հինգհազարապատիկի չափով:

Նույնքան տուգանքի չափ է սահմանվել սահմանային գետերի ափերին գտնվող գետաողողատային տիպի հանքավայրերից ավազի եւ ավազակոպճային խառնուրդի պաշարների արդյունահանման աշխատանքները GPS համակարգով չկահավորված կամ այդ համակարգը սերվերային ենթակառուցվածքին չմիացված` հանութաբարձիչ եւ հանութափոխադրիչ տրանսպորտային միջոցների եւ սարքավորումների միջոցով իրականացնելու համար:

Ընդերքի մասին օրենքում փոփոխությունների նպատակներից մեկը անդառնալի վնաս հասցնելու դեպքերը բացառելն է։

Մանրամասները՝ տեսանյութում։