Երևանի նոր բազմաբնակարան շենքերի գազամատակարարման ծրագիր է մշակվել

Լուրեր

18.11.2026 | 09:36
ՀՀ տարածքում ավտոճանապարհները հիմնականում անցանելի են
17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
Բոլորը

Վերջին տարիներին Երևանում իրականացվող խոշորամաշտաբ կառուցապատմամբ պայմանավորված գազասպառման ծավալները կտրուկ աճել են։ «Գազպրոմ Արմենիա» ՓԲԸ-ի տեղեկատվության համաձայն մայրաքաղաքը սնող գազաբաշխիչ կայանների և գազամատակարարումն ապահովող գազի բաշխիչ ցանցի գազատար խողովակների թողունակությունը այլևս բավարար չէ գործող գազի բաշխիչ ցանցին նոր գազասպառման համակարգերի միացման համար։ «Երևան քաղաքը գազամատակարարաման լրացուցիչ նոր հզորություններով ապահովելու ծրագրին հավանություն տալու մասին» օրենքի նախագիծը այսօր դրվել է e-draft հարթակում։ Այն մշակվել է տարածքային կառավարման և ենթակառուցվածքների նախարարության կողմից։

Նախագծի հիմնավորման մեջ նշված է, որ գործող ենթակառուցվածքներից նոր գազասպառման համակարգերի միացումը կարող է խաթարել անխափան և հուսալի գազամատակարարման իրականացումը, ինչը և անհնար է դարձնում Երևանում նոր բազմաբնակարան շենքերի կառուցման համար գազամատակարարման առավել արդյունավետ տեխնիկական պայմաններ տրամադրելու գործընթացը։

Նախագծում գրված է, որ մշակող մարմինը, համագործակցելով քաղաքապետարանի և այլ համայնքների ղեկավարների հետ, պետք է ապահովի անհրաժեշտ հողատարածքների ձեռքբերումը, անհրաժեշտությունից ելնելով, կառավարությանը ներկայացնի հանրային գերակա շահ ճանաչելու մասին որոշման նախագիծ։

Գազամատակարարման ռեժիմների բարելավման նպատակով «Գազպրոմ Արմենիա» ՓԲԸ-ի կողմից ուսումասիրվել է տեղադիրքային առումով նույն ուղղությամբ շինարարություն իրականացնող կառուցապատողների աշխատանքները և մշակվել են 4 հիմնական ուղղություններով թվով 4 կողմնատար գազատարների, 4 նոր գազի ճնշման կարգավորման հանգույցների նոր ԳԲԿ-ների ու միջին ճնշման հիմնական սնող գազատարների կառուցման նախնական էսքիզային լուծումներ։
Նախագծում նաև պահանջվող ներդրումները հաշվարկված են խոշորացված ցուցիչներով, որոնք կողմնորոշիչ բնույթ են կրում և կարող են փոփոխվել նախագծային աշխատանքների ընթացքում: Արժեքում ներառված չեն հողհատկացման, տարածքների ձեռքբերման, սեփականատերերին փոխհատուցման և նմանաբնույթ այլ ծախսերը:

Նախ դիտարկվելու է նախագծի փուլային իրականացման հնարավորությունը, ապա նախագծանախահաշվային փաստաթղթերի կազմելու ավարտից և վերջնական համաձայնեցումներից հետո աշխատանքները իրականացվելու են հետևյալ կերպ.
1-ին փուլ՝ Երևանի հյուսիսարևելյան հատվածը,
2-րդ փուլ՝ Երևանի հարավարևմտյան հատվածը,
3-րդ փուլ՝ Երևանի հարավային հատվածը,
4-րդ փուլ՝ Երևանի արևելյան հատվածը։

Ըստ նախագծի հիմնավորման՝ այն հնարավորություն կտա կրճատել ենթակառուցվածքների ստեղծման ուղղությամբ իրականացվող ընդհանուր ծախսերը, նվազագույնի հասցնել կամ չեզոքացնել սակագնի վրա ազդեցությունը և ապահովել մատակարար ընկերության կողմից ստեղծված ենթակառուցվածքների պատշաճ շահագործումը։

Նշվում է, որ աշխատանքների արդյունքում ենթակառուցվածքներ կստեղծվեն Երևան քաղաքի ողջ տարածքում: Առաջարկվող ծրագրերով գազամատակարարման ցանցին արդյունավետ կարգով միանալու հնարավորություն կստանան արդեն իսկ տեխնիկական պայմաններ ստացած 490 օբյեկտներ ընդհանուր շուրջ 491500 խմ/ժ սպառմամբ։ Բացի այդ, նոր ենթակառուցվածքները նախատեսում են նաև շուրջ 20% լրացուցիչ հզորություններ։ Այսինքն, միացվող օբյեկտների հզորությունը կարող է հասնել մինչև 589800 խմ/ժ։

Անի Թամրազյան