14.09.2026 | 15:51
Հաջիևը վիրավորեց հայ ազգին, իշխանությունն ասում է` չխոսենք, չսրենք. սա վախի նշան է. Գառնիկ Դավթյան․ ՏԵՍԱՆՅՈՒԹ
ՄՊՀ-ն ուսումնասիրում է փոքր և միջին ձեռարկությունների ֆինանսավորման շուկան. նախաձեռնվել է հանդիպումների շարք շահագրգիռ անձանց հետ
Հասարակություն
11.05.2023 | 17:56
Մրցակցության պաշտպանության հանձնաժողովը նախաձեռնել է հանդիպումների շարք փոքր և միջին ձեռնարկությունների ոլորտում շահագրգիռ կազմակերպությունների հետ ոլորտում առկա մրցակցային հարցերի քննարկման նպատակով, որի շրջանակում այսօր հանդիպում տեղի ունեցավ Հայաստանի ներդրումային խորհրդի, Հայաստանում Ամերիկայի առևտրի պալատի և Ձեռնարկությունների ինկուբատոր հիմնադրամի ներկայացուցիչների հետ: Հանդիպմանը մասնակցում էին հանձնաժողովի անդամներ Հայկ Կարապետյանը, Շուշան Սարգսյանը, պաշտոնատար այլ անձինք. տեղեկացնում են ՄՊՀ-ից։
Ողջունելով հանդիպման մասնակիցներին՝ Հայկ Կարապետյանը նշել է, որ հանձնաժողովի որոշմամբ այս տարի 5 ապրանքային շուկաների շարքում ուսումնասիրվելու է նաև փոքր և միջին ձեռարկությունների ֆինանսավորման շուկան, և այս հանդիպումները նպատակ ունեն անմիջապես շահագրգիռ անձանցից լսել մրցակցային խնդիրների մասին, որոնց նրանք բախվում են իրենց գործունեության ընթացքում, և որոնք կարող են խաթարել շուկայում մրցակցությունը:
Հանդիպման ընթացքում ներկաները մի շարք հարցադրումներ են բարձրացրել, որոնք առնչվում էին մասնավորապես փոքր և միջին ձեռնարկությունների կողմից պարտատոմսերի թողարկումներին, պետական գնումների մրցույթներին մասնակցությանը, համակենտրոնացումներին, պետության կողմից մասնավոր ոլորտի գործառույթների իրականացմանը և այլն:
Հանդիպման արդյունքներով պայմանավորվածություններ են ձեռք բերվել համագործակցության հետագա քայլերի վերաբերյալ:
