07.09.2026 | 16:58
Երևանի գերեզմանատան հարակից տարածքում «ԱԿ-47» ինքնաձիգ և փամփուշտներ են հայտնաբերվել
Լա՞վ է, որ պետական գույքը օտարվում է, միանշանակ լավ է. Փաշինյանի պարզաբանումը․ ՏԵՍԱՆՅՈՒԹ
Տնտեսություն
11.05.2023 | 11:58
Կառավարության այսօրվա նիստում հաստատվեց պետական գույքի կառավարման ոլորտում 2022-23թթ. ծրագրի կատարման հաշվետվությունը։
Նախագիծը ներկայացնելու ընթացքում ՏԿԵ նախարար Գնել Սանոսյանը հայտնեց, որ հաշվետու ժամանակահատվածում երեք առևտրային կազմակերպության պետական բաժնետոմսերը մասնավորեցվել են, օտարվել է 17 միավոր անշարժ գույք և 102 ավտոմեքենա։
«Այս գործառույթի ընթացքում բյուջետային մուտքերը կազմել են 8.9 մլրդ դրամ, որից 7.6-ը պետական բյուջե, 1-ը՝ համայքնային, մնացածը ՊՈԱԿ-ների բյուջեներ են մուտքագրվել։ Գործընթացի արդյունքում 60 տոկոսով կնվազի նաև պետական բյուջեից այլ տարածքների համար վճարվող գումարը»,-նշեց Սանոսյանը՝ հավելելով, որ նախորդ տարի ընդհանուր առմամբ օտարվել է 20.7 մլրդ դրամի գույք։
Նիկոլ Փաշինյանն ընդգծեց, որ պետական սեփականություն հանդիսացող շենք-շինությունների օտարումից ստացած միջոցները կազմել են 3 մլրդ 291 մլն դրամ, ինչը նախորդ տարվա համեմատ աճել է 372 տոկոսով։
Ինչպես նշված է նախագծի հիմնավորման մեջ, նախագծի ընդունմամբ ակնկալվում է Հայաստանի Հանրապետությունում իրականացվող պետական գույքի կառավարման քաղաքականությունը և արդյունքները դարձնել առավել հրապարակային:
Մանրամասները՝ տեսանյութում։
