18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Միջազգային հանրապետական ինստիտուտը ակտիվ ներգրավված է եղել․ ԱԺ-ում քննարկում են կամավորական աշխատանքը․ ՏԵՍԱՆՅՈՒԹ
Հասարակություն
10.05.2023 | 13:20
ԱԺ աշխատանքի և սոցիալական հարցերի մշտական հանձնաժողովն այսօր Ազգային ժողովի նիստերի դահլիճում հրավիրել է խորհրդարանական լսումներ «Կամավոր աշխատանքի մասին» և հարակից օրենքների նախագծերի փաթեթի վերաբերյալ:
Որպես ԱԺ-ի և աշխատանքի և սոցիալական հարցերի նախարարության գործընկեր՝ Միջազգային հանրապետական ինստիտուտը ակտիվ ներգրավված է եղել այս նախագծի մշակման և լրամշակման գործընթացում։ Այս մասին հայտարարեց Միջազգային հանրապետական ինստիտուտի հայաստանյան գրասենյակի ղեկավար Ջեյմս Դե Ուիթը։
Նրա խոսքով՝ Միջազգային հանրապետական ինստիտուտը մեծ ուշադրություն է դարձնում միջգերատեսչական համագործակցությանը և հաղորդակցությանը, ինչպես նաև ներառական և մասնակցային գործընթացներին, և այսօրվա հանդիպումը դրա վառ օրինակ է։
«Մենք աջակցել ենք թիրախային մի շարք խմբերի հետ հանդիպումների կազմակերպման գործում և այսօր հպարտ ենք, որ այսօր այստեղ մասնակցում ենք հանրային լսումներին։
Հուսով եմ, որ լսումներն օգտակար կլինեն բոլոր կողմերի համար, քանի որ կկարողանան հայտնել իրենց կարծիքները, և գործընթացը կլինի ավելի ներառական»,- նշեց՝ Ուիթը՝ մաղթելով արդյունավետ քննարկում և վստահեցնելով, որ Միջազգային հանրապետական ինստիտուտը պատրաստ է տրամադրել ցանկացած աջակցություն, որպեսզի ստեղծվի այնպիսի օրենսդրություն, որը կբավարարի շահագրգիռ բոլոր կողմերի կարիքները։
Մանրամասները՝ տեսանյութում։
