09.12.2025 | 23:31
Եվրոպական հանձնաժողովը հետաքննություն է սկսել Google-ի դեմ
Թուրքիայի հետ սահմանի բացումը ձեռնտու է Հայաստանին. իշխանական պատգամավոր․ ՏԵՍԱՆՅՈՒԹ
Քաղաքականություն
10.05.2023 | 11:37
Մեկնարկել է Սևծովյան տնտեսական համագործակցության խորհրդարանական վեհաժողովում (ՍԾՏՀ ԽՎ) ՀՀ ԱԺ պատվիրակության ղեկավար Բաբկեն Թունյանի և պատվիրակության անդամ Գևորգ Պապոյանի մամուլի ասուլիսը:
Կա՞ պայմանավորվածություն կողմերի միջև՝ մինչև ամռան սկիզբ բացելու հայ-թուրքական ցամաքային սահմանը երրորդ երկրների քաղաքացիների և դիվանագիտական անձնագիր ունեցող անձանց համար: Թուրքիայի ԱԳ նախարարի՝ «Նեմեսիս» հուշարձանի ապամոնտաժման կոչից հետո արդյոք պայմանավորվածությունները չե՞ն չեղարկվել: Այս հարցերին ի պատասխան՝ Գևորգ Պապոյանը հայտարարեց, որ պայմանավորվածությունների չեղարկման մասով տեղեկություն չունի:
«Եթե Հայաստանին ձեռք չտա հայ-թուրքական սահմանի բացումը ու դա ձեռք տա միայն Թուրքիային, Թուրքիան կբացի այդ սահմանը 5 վայրկյանում, որովհետև Հայաստանը չի փակել հայ-թուրքական սահմանը, Հայաստանը սահմանը միշտ բաց է պահել, սահմանը փակել է Թուրքիան, որովհետև դրանով Հայաստանին տնտեսապես ճնշում է ու դրա մասին իրենք երբեք չեն թաքցրել ու դրանով իրենք աջակցում են Ադրբեջանին», – այսօր լրագրողների հետ հանդիպմանն այս մասին նշեց ՍԾՏՀ ԽՎ ՀՀ ԱԺ պատվիրակության անդամ Գևորգ Պապոյանը։
Նրա խոսքով՝ այն նարատիվը, որ հայ-թուրքական սահմանի բացումը Հայաստանի համար ինչ-որ ապոկալիպտիկ հետևանքներ է ունենալու, պարզապես ծիծաղելի է։
պապոյանի դիտարկմամբ՝ հայ-թուրքական սահմանի բացումը բերելու է Հայաստանի համար տնտեսական զարգացման, աշխատատեղերի ստեղծման, հարկերի ավելացման, մարդկանց սոցիալակա վիճակի էական բարելավման։
«Բնականաբար, Թուրքիան, որպեզի ղարաբաղյան հարցում աջակցի Ադրբեջանին, հայ-թուրքական սահմանը երկար տարիներ փակ է պահել ու այսօր էլ, եթե Թուրքիան իմանար, որ սահմանի բացումը Հայաստանի համար վնաս է լինելու, կբացեր։
Սա ջախջախում է այն թեզը, որ հայկական քաղաքական դաշտում «վայ քաղաքագետներ» ու «վայ տնտեսագետներ» անընդհատ առաջ են տարել», – ընդգծեց Պապոյանը՝ հավելելով, որ այդ թեզը հիմարություն է։
Պատգամավորի խոսքով՝ առանց նախապայամանների հայ-թուրքական հարաբերությունների կարգավորումը Հայաստանի օրակարգային հարցն է ու դրանից չեն շեղվում․ «Դա նաև ՀՀ արտաքին քաղաքականության հիմնադրույթն է»:
Մանրամասները՝ տեսանյութում։
