14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Քյարամյանն անուններ կհրապարակի․ ՔԿ նախագահը վերահաստատում է 5-րդ շարասյան մասին Փաշինյանի ասածները․ ՏԵՍԱՆՅՈՒԹ
Քաղաքականություն
09.05.2023 | 19:50
44-օրյա պատերազում պարտության մեղավորը 5-րդ շարասյունն է։ Այսօր նման հայտարարություն արեց Քննչական կոմիտեի նախագահ Արգիշտի Քյարամյանը։ Հաղթանակի օրվա առթիվ Մայր Հայաստանի հուշահամալիր ժամանած Քյարամյանը, որ լրագրողներից խուսափում էր և քայլելուն զուգահեռ մեծ դժկամությամբ էր պատասխանում հարցերին, հատուկ հետ վերադարձավ, որ 5-րդ շարասյան մեղավորությունը մատնանշի։
5-րդ շարասյան գոյության մասին Նիկոլ Փաշինյանը պարբերաբար խոսել է տարբեր ամբիոններից։ Վերջին անդրադարձն ապրիլի 12-ին էր՝ պատգամավորների հետ հարցուպատասխանի ժամանակ։ Վարչապետը չէր բացառել, որ 5-րդ շարասյան ներկայացուցիչները ղեկավարվում են այլ պետություններից։
Իշխանությունները պարբերաբար անթաքույց ակնարկներ են անում ընդդիմադիրների շարքերում 5-րդ շարասյան առկայության մասին։ ԱԺ «Հայաստան» խմբակցության ղեկավար Սեյրան Օհանյանն այսօր, Քյարամյանի հայտարարությանն ի պատասխան, անուններ պահանջեց։
Քյարամյանը հայտարարում է՝ 5-րդ շարասյան ներկայացուցիչների անուններ են հրապարակվելու։
Իրավապաշտպան Նինա Կարապետյանցը համամիտ է ՔԿ նախագահի հետ, որ ՀՀ-ում 5-րդ շարասյուն կա և շարունակում է լինել, սակայն մատնանշում է այդ հարցում իրավապահ համակարգի, այդ թվում՝ Արգիշտի Քյարամյանի թերացումները։
Քյարամյանի խոստումը, թե շուտով անուններ են հրապարակվելու, իրավապաշտպանն արժանահավատ չի համարում։ Նա հիշում է տրված ու չկատարված այլ խոստումներ։
Իշխանական պատգամավոր Մարիա Կարապետյանից հետաքրքրվեցինք, թե ե՞րբ, ի վերջո, պատասխանատվության կենթարկվեն իր կողմից այսպես պատկերավոր նկարագրվող հինգերորդ շարասյան ներկայացուցիչները։
Նշենք, որ չնայած Փաշինյանի և Քյարամյանի այս հայտարարություններին՝ մինչ այս պահը դեռևս չկա դատարանի վճիռ, որով որևէ մեկը մեղավոր է ճանաչվել պետական դավաճանության համար։
Մանրամասները՝ տեսանյութում։
Նարեկ Կիրակոսյան
