07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Տարոն Մարգարյանն արդեն առողջ է, շարունակում է աշխատել որպես քաղաքապետ
Հասարակություն
29.06.2018 | 12:48
Երևանի ավագանու վերջին նիստին քաղաքապետ Տարոն Մարգարյանը ներկա չէր, և նիստը վարեց փոխքաղաքապետ Կամո Արեյանը։
Ավագանու այդ նիստից հետո քաղաքապետի լրատվական ծառայությունը տարածեց մամուլի հաղորդագրություն, ըստ որի՝ Երևանի քաղաքապետ Տարոն Մարգարյանը հանդիպել է Սանկտ Պետերբուրգի օրերի անցկացման շրջանակում Երևան ժամանած Սանկտ Պետերբուրգի փոխնահանգապետ Աննա Միտյանինայի հետ։
Հետքրքրական է, որ քաղաքապետարանի լրատվականն այս հանդիպման մամուլի հաղորդագրությանը կից ներկայացրել էր լուսանկար, որտեղ Տարոն Մարգարյանը չկար։
Արդյոք քաղաքապետ Տարոն Մարգարյանը հաճախում է աշխատանքի, Factor.am-ը փորձեց պարզել Երևանի քաղաքապետարանի հասարակայնության և լրատվության հետ կապերի վարչության պետ Արթուր Գևորգյանից։ «Տարոն Մարգարյանն առողջացել է, հաճախում է աշխատանքի, քաղաքապետն իր աշխատանքային պարտականություններն է իրականացնում բնականոն հունով, այնպես որ, որևէ խնդիր չկա»,- ասաց Գևորգյանը։
Հարցին՝ նախատեսվո՞ւմ է արդյոք անցկացնել ավագանու արտահերթ նիստ, Արթուր Գևորգյանը պատասխանեց․ «Նման հարց օրակարգում չկա, ոչ»։
