Սեդրակ Առուստամյանն առերեսվել է «Երևանշին» ընկերության տնօրեն Վազգեն Պողոսյանի հետ․ ՏԵՍԱՆՅՈՒԹ

Գագիկ Ծառուկյանի և Սեդրակ Առուստամյանի գործով նիստը մեկնարկեց։ Հակակոռուպցիոն դատարանում` նախագահությամբ դատավոր Արամ Գրիգորյանի, մեկնարկեց «Բարգավաճ Հայաստան» կուսակցության նախագահ Գագիկ Ծառուկյանի և «Մուլտի գրուպ կոնցեռն» ՍՊԸ-ի տնօրեն Սեդրակ Առուստամյանի վերաբերյալ գործի քննությունը։

Հակակոռուպցիոն դատարանում՝ դատավոր Արամ Գրիգորյանի նախագահությամբ, «Բարգավաճ Հայաստան» կուսակցության նախագահ Գագիկ Ծառուկյանի և «Մուլտի Գրուպ» ընկերության գլխավոր տնօրեն Սեդրակ Առուստամյանի գործով առաջին դատական նիստը հետաձգվեց։
Հիշեցնենք, որ նշված քրեական վարույթը վերաբերում է Ազգային ժողովի՝ 2017 թվականի ապրիլի 2-ի ընտրություններին մասնակցած կուսակցությունների դաշինքի և դրա կողմից առաջադրված թեկնածուի օգտին քվեարկելու համար ընտրողներին ենթադրաբար կաշառք տալուն:
Նրանց մեղադրանք է ներկայացվել ՀՀ քրեական օրենսգրքի 219-րդ հոդվածի 1-ին մասով, այն է՝ ընտրակաշառք տալը։ Նրանք առաջադրված մեղադրանքը չեն ընդունում։

Նիստից հետո Սեդրակ Առուստամյանը լրագրողների հետ զրույցում նշեց, որ մեղադրանքը չի ընդունում, այլապես, գործը վաղեմության հիմքով արդեն կարճված կլիներ, թեև այժմ էլ Առուստամյանի նկատմամբ, միևնույն է, պատիժ չի նշանակվի։

«Ես համոզված եմ, որ մեղավոր չեմ․․․ Ես ընտրակաշառք չեմ բաժանել, ԲՀԿ-ն ընդհանրապես ընտրակաշառք չի բաժանել»- ընդգծեց Առուստամյանը։

Նա նաև հավելեց, որ «Երևանշին» ընկերության տնօրեն Վազգեն Պողոսյանի հետ բիզնես հարաբերություններ է ունեցել և հավելեց, որ նրան գումար չի տվել։

Նախաքննության ընթացքում Առուստամյանն առերեսվել է Վազգեն Պողոսյանի հետ։

Մանրամասները՝ տեսանյութում։