Քաղհասարակությունը հայտարարություն է տարածել՝ ի պաշտպանություն Ֆրանսիայում ադրբեջանական դեսպանատան ջանքերով հետապնդումների ենթարկվող «Շարժում» նախաձեռնության

Լուրեր

21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
20.11.2026 | 23:13
Հայաստանն ու Ալբանիան քննարկվել են տնտեսական համագործակցության խորացման հեռանկարները
20.11.2026 | 23:00
Լոռու մարզում գազանջատումներ կլինեն
20.11.2026 | 22:47
Թուրքական արտադրության Kizilelma անօդաչու կործանիչն աշխարհում առաջինն է անցել զինվորական ծառայության
20.11.2026 | 22:33
Վաղարշապատի կամրջի հարակից ճանապարհահատվածը ժամանակավորապես փակ կլինի երթևեկության համար
20.11.2026 | 22:19
Բաքուն հայտնում է ահաբեկչական կազմակերպության անդամ Ադրբեջանի քաղաքացիների ձերբակալության մասին
20.11.2026 | 22:04
Հայաստանի մի շարք հասցեներում էլեկտրաէներգիայի անջատումներ կլինեն
20.11.2026 | 21:50
Ադրբեջանի ընդդիմության ղեկավարի կալանքի թեման ուշադրության կենտրոնում է եղել Գերմանիայի ԱԳ նախարարի՝ Բաքու կատարած այցի ժամանակ
20.11.2026 | 21:36
Հայաստանն ընդունել է Գազայից երեք պաղեստինցի երեխայի. նրանց մասնագիտացված բուժօգնություն կցուցաբերվի
20.11.2026 | 21:23
Թվային լուծումներ՝ մեկ էկոհամակարգում․ IDBank-ը՝ DigiTec 2026-ում
20.11.2026 | 21:11
Թրամփը հայտարարել է, որ Պուտինը Լեհաստանի ուղղությամբ «սխալմամբ մի քանի փոքր հրթիռ է արձակել»
20.11.2026 | 21:00
Տրագիկոմեդիա է․ ընդդիմությունը չի ուզում ազատվել վարչապետ Փաշինյանից, թեև մեղադրում է ադրբեջանական լինելու մեջ․ Արսեն Թորոսյան. ՏԵՍԱՆՅՈՒԹ
20.11.2026 | 20:50
Կառլեն Հովհաննիսյանը՝ «Ակրոնի» լավագույն ֆուտբոլիստ
20.11.2026 | 20:45
Euro 4-ը, խցանումներն ու Ավինյանը․ ո՞ր մեքենաները կարող են հայտնվել սահմանափակման տակ. ՏԵՍԱՆՅՈՒԹ
Բոլորը

Քաղհասարակության մի շարք կազմակերպություններ հայտարարություն են տարածել ի սատարում Ֆրանսիայում ադրբեջանական դեսպանատան կողմից դատական հետապնդումների ենթարկվող «Շարժում» նախաձեռնության։

Հայտարարությունը՝ ստորև․

«Ս․թ․ մայիսի 11-ին, առավոտյան 09:30-ին, փարիզյան Նանթեր արվարձանի դատարանում կայանալու է Ֆրանսիայում ադրբեջանական դեսպանատան՝ «Շարժումի» դեմ ներկայացված զրպարտության հայցի քննության առաջին դատական նիստը։

Ադրբեջանական դեսպանատունը «Շարժումին» մեղադրում է Ալիևի բռնապետության շահերը Ֆրանսիայում սպասարկող անձանց մասին սոցցանցերում հրապարակումներ անելու մեջ` որակելով դրանք որպես զրպարտություն։ Նախաձեռնությունից պահանջում են հրապարակումների հեռացում և վնասի ու ծախսերի փոխհատուցում 16.000 եվրոյի չափով։

«Շարժումի» հրապարակումները, ըստ տարածած մամլո հաղորդագրության, հիմնված են հրապարակված, ստուգելի աղբյուրների վրա՝ նպատակ ունենալով հանրության լայն շրջանակներին տեղեկացնել ադրբեջանական ազդեցության ցանցերի մասին։

«Շարժումը» ոչ կուսակցական ֆրանսահայ ակտիվիստների քաղաքացիական նախաձեռնություն է, որը տարիներ շարունակ Ֆրանսիայում զբաղվում է Հայաստանի և Արցախի խնդիրների բարձրաձայնմամբ, ինչպես նաև՝ 2020թ․ արցախյան պատերազմի հետևանքով տուժած անձանց և համայնքների հետևողական աջակցությամբ։

Դատական հետապնդումների ենթարկելով «Շարժումին» ու նրա առանձին անդամներին՝ Ադրբեջանն այսպիսով փորձում է Ֆրանսիայի արդարադատության գործիքակազմի միջոցով լռեցնել ադրբեջանական ռեժիմին ուղղված քննադատությունն ու թուլացնել արտերկրում հայկական ձայնի ազդեցությունը: Նման քայլերով Ադրբեջանն իր դիվանագիտական ներկայացուցչության միջոցով փորձում է Ալիևի հակահայ ռասիստական քաղաքականությունը արտահանել Եվրոպա:

Մենք՝ Հայաստանի Հանրապետության քաղհասարակության ներքոստորագրյալ ներկայացուցիչներս, սա գնահատում ենք որպես խոսքի ազատության և մարդու այլ հիմնարար իրավունքների ու ազատությունների ոտնահարումներով հայտնի ադրբեջանական ռեժիմի կողմից հայկական նախաձեռնության նկատմամբ ճնշումների գործադրում:

Մենք դատապարտում ենք մեր հայրենակիցների նկատմամբ գործադրվող այս հետապնդումն ու սատարում «Շարժումին»` ադրբեջանական բռնապետության հանցագործությունների ու կոռուպցիոն գործարքների բացահայտման պայքարում։

Հայտարարությանը կարող են միանալ մեր դիրքորոշումը կիսող բոլոր համակիրները»:

«Շարժումի» պաշտոնական կայքը․ www.charjoum.org

«Թրանսփարենսի Ինթերնեշնլ» հակակոռուպցիոն կենտրոն
«Հելսինկյան ասոցիացիա» իրավապաշտպան ՀԿ
Մարդու իրավունքների հետազոտությունների կենտրոն
Համայնքային համախմբման և աջակցության կենտրոն ՀԿ
«Փինք» իրավապաշտպան ՀԿ
Հանուն հավասար իրավունքների կրթական կենտրոն ՀԿ
Ժուռնալիստների «Ասպարեզ» ակումբ ՀԿ
«ԷկոԼուր» տեղեկատվական ՀԿ
Երեւանի մամուլի ակումբ
Հելսինկյան քաղաքացիական ասամբլեայի Վանաձորի գրասենյակ
Գորիսի մամուլի ակումբ
Խաղաղության երկխոսություն ՀԿ
«Ազատ քաղաքացի» ՔՆԱԿ ՀԿ
Կանանց ռեսուրսային կենտրոն ՀԿ
«Հեռանկարային զարգացման կենտրոն» ՀԿ