26.04.2024 | 16:09
Բունդեսթագի պատգամավորի կարծիքով՝ ԵՄ-ին Հայաստանի անդամակցությունը բխում է հենց ԵՄ-ի շահերից
Պապիկյանը շարունակում է անակնկալ ստուգայցերը ՊՆ զորամասեր․ ԼՈՒՍԱՆԿԱՐՆԵՐ
05.05.2023 | 13:56
ՊՆ նախարար Սուրեն Պապիկյանը ֆեյսաբուքյան էջում հայտնել է, որ մայիսի 5-ին անակնկալ ստուգայցով եղել է ՊՆ N զորամասում: «Շրջել եմ զորամասում, հետևել օրվա կարգացուցակով նախատեսված ուսումնական մարտավարամասնագիտական պարապմունքների ընթացքին, զրուցել ժամկետային զինծառայողների հետ, հետաքրքրվել ծառայությամբ: Զինծառայողներին հորդորել եմ ամենայն պատասխանատվությամբ մոտենալ ուսումնական գործընթացին, սերտել առավելագույնը՝ մշտական ծառայության վայրերում կրտսեր հրամանատարի պարտականությունները պատշաճ կատարելու համար: Շրջել եմ զորամասում, ծանոթացել սոցիալ-կենցաղային պայմաններին և հետևել նոր կառուցվող ճաշարանի շինարարական աշխատանքների ընթացքին: Հարգանքի տուրք եմ մատուցել 44-օրյա պատերազմի ընթացքում զոհված զինծառայողների հիշատակը հավերժացնող հուշաքարի մոտ»,- գրել է նախարարը և լուսանկարներ հրապարակել:
