06.05.2024 | 23:35
Պարեկները ապրիլի 29-ից մայիսի 6-ը Երևանում հայտնաբերել են 4 123, մարզերում՝ 12 068 խախտում
ՌԴ-ում ձերբակալվել է Forbes-ի լրագրողը բանակի մասին «ֆեյքերի» գործով
Քաղաքականություն
26.04.2024 | 15:29
Խաբարովսկում ձերբակալվել է Forbes-ի լրագրող և խմբագիր Սերգեյ Մինգազովը` ռուսական բանակի մասին «կեղծիքներ» տարածելու քրեական գործով։ Այս մասին Facebook-ում հայտնել է նրա փաստաբան Կոնստանտին Բուբոնը։
Փաստաբանի տեղեկություններով՝ Մինգազովը մեղադրվում է Բուչայում տեղի ունեցած իրադարձությունների մասին հրապարակմամբ սեփական «Խաբարովսկայա Մինգազետա» Telegram-ալիքում կիսվելու համար։ Մինգազովը Խաբարովսկի ժամանակավոր պահման մեկուսարանում է։
Փաստաբանը ՌԲԿ-ին հայտնել է, որ Մինգազովին խուզարկել են, որից հետո տարել են Քննչական կոմիտե և մեղադրանք առաջադրել։
Լրագրողի նկատմամբ խափանման միջոցի հարցը կքննարկվի ապրիլի 27-ին։
«Ռազմական ֆեյքերի» մեղադրանքով լրագրողին սպառնում է մինչև 10 տարի ժամկետով ազատազրկում։
