16.01.2025 | 11:47
Մենք անընդհատ սխալվելու ենք. Փաշինյանը` կտրուկ փոփոխություններով արդյունքի հասնելու մասին․ ՏԵՍԱՆՅՈՒԹ
Եվրախորհրդարանը Վրաստանում «օտարերկրյա գործակալների» մասին օրինագիծը դատապարտող բանաձև է ընդունել
Քաղաքականություն
26.04.2024 | 14:49
Եվրախորհրդարանը ապրիլի 25-ին Վրաստանի իշխող «Վրացական երազանք» կուսակցության կողմից կրկին նախաձեռնած «Օտարերկրյա ազդեցության թափանցիկության մասին» օրինագիծը դատապարտող բանաձև է ընդունել, գրում է civil.ge-ն։
Փաստաթղթին կողմ է քվեարկել Եվրախորհրդարանի 425, դեմ՝ 25, ձեռնպահ՝ 30 պատգամավոր։
Բանաձևում ընդգծվում է, որ օրինագիծը հակասում է Վրաստանի ժողովրդավարական արժեքներին և եվրոպական նկրտումներին, ինչպես նաև ընդգծում, որ «ԵՄ-ին անդամակցելու շուրջ բանակցությունները չպետք է սկսվեն, քանի դեռ այս օրենքը Վրաստանի իրավական օրակարգի մաս է»։
Նշվում է նաև այն վտանգի մասին, որ օրենքը սպառնում է քաղաքացիական հասարակության կազմակերպություններին և ընդհանրապես մարդու իրավունքներին, ինչը «հակասում է Կոպենհագենի ԵՄ անդամակցության չափանիշներին»։ Բանաձևը կոչ է անում Եվրոպական հանձնաժողովին պատրաստել միջանկյալ գնահատական Վրաստանի կողմից ԵՄ-ի առաջադրած 9 պայմաններին հետևելու վերաբերյալ։
Այն ներառում է նաև Բիձինա Իվանիշվիլիի դեմ պատժամիջոցներ սահմանելու, Վրաստանի նախկին նախագահ Միխեիլ Սաակաշվիլիին բանտից ազատելու կոչեր, իսկ Եվրահանձնաժողովին կոչ է անում անհապաղ գնահատել «օտարերկրյա գործակալների» մասին օրինագծի ազդեցությունը վիզային ռեժիմի ազատականացման չափանիշներին Վրաստանի համապատասխանության վրա։
