10.03.2026 | 12:34
Ամերիկայի գավաթ. Լևոն Արոնյանը դուրս է եկել եզրափակիչ
ՀՀ Ազգային ժողովը ստացել է Վալենտինա Մատվիենկոյի նամակը
Քաղաքականություն
26.04.2024 | 15:31
ՀՀ Ազգային ժողովը ստացել է ՌԴ Դաշնային խորհրդի նախագահ Վալենտինա Մատվիենկոյի նամակը, Factor.am-ին տեղեկացրեց ԱԺ նախագահի մամուլի խոսնակ Նելլի Ղուլյանը։
Նշենք, որ ՌԴ Դաշնային խորհրդի նախագահ Վալենտինա Մատվիենկոն հանձնարարել էր հարցում ուղարկել Հայաստանի խորհրդարան՝ կապված ՀՀ ԱԺ խոսնակ Ալեն Սիմոնյանի հայտարարությունների հետ։
Հիշեցնենք՝ ԱԺ նախագահ Ալեն Սիմոնյանը ելույթ էր ունեցել Եվրոպական միության անդամ պետությունների խորհրդարանների նախագահների համաժողովին ու նշել, որ Հայաստանը հաստատակամորեն պաշտպանում է Ուկրաինայի, ինչպես նաև Մոլդովայի, Վրաստանի, Կիպրոսի և բոլոր երկրների տարածքային ամբողջականությունը: Նա նաև ասել էր, որ Ադրբեջանն ու ՌԴ-ն Հայաստանի դեմ հիբրիդային հարձակում են իրականացնում։
«Ադրբեջանն օգտագործել է տարբեր լրատվամիջոցներ և սոցիալական ցանցեր՝ հայկական տարածքներն աստիճանաբար զավթելու համար: Տեղադրելով կեղծ տեսանյութեր, որոնք, իբրև, ցույց են տալիս հայկական զորքերի տեղաշարժը, Ադրբեջանը ձգտում է Հայաստանին ներկայացնել որպես ագրեսոր՝ հարձակման համար պարարտ հող նախապատրաստելու և սեփական ագրեսիան արդարացնելու համար: Մեր արևելյան հարևանը տեխնոլոգիաների օգտագործման հարցում միայնակ չէ: Ռուսաստանը սպառնալիքների և ապատեղեկատվության արշավ է կազմակերպում: Մտահոգիչ է, որ Ռուսաստանի կառավարության բազմաթիվ պաշտոնյաներ համարձակվում են թելադրել Հայաստանի շահերը և խոսել հայ ժողովրդի անունից»,- ասել էր Ալեն Սիմոնյանը։
Մանյա Պողոսյան
