20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Մենք կարևորում ենք այն հանգամանքը, որ կնքվի խաղաղության պայմանագիրը․ Չեխիայի վարչապետ․ ՏԵՍԱՆՅՈՒԹ
Քաղաքականություն
04.05.2023 | 16:42
ՀՀ վարչապետ Նիկոլ Փաշինյանը պաշտոնական այցով մեկնել է Չեխիայի Հանրապետություն։ Հայաստանի Հանրապետության վարչապետը հանդիպում է ունեցել Չեխիայի կառավարության ղեկավար Պետեր Ֆիալայի հետ:
Պրահան մտահոգված է Լեռնային Ղարաբաղում մարդասիրական իրավիճակով, որի պատճառը Լաչինի միջանցքի շրջափակումն է, հայտարարեց նաև չեխիայի վարչապետը։Հ այաստանի և Չեխիայի վարչապետների համատեղ ասուլիսում այս մասին հյատարարեց Չեխիայի վարչապետը Պետեր Ֆիալան։
«Մենք համաձայն ենք Եվրամիության դիրքորոշման հետ այդ հարցում։ Մենք հավատացած ենք, որ պետք է հնարավոր բոլոր քայլերը ձեռնարկվեն, որպեսզի խաղաղություն և կայունություն հաստատվի ԼՂ-ում և ամբողջ Կովկասի տարածաշրջանում։
Ինչ վերաբերում է տարածքային ամբողջականությանը, Հայաստանի և Ադրբեջանի միջև քննարկումներին, ապա մենք կարևորում ենք այն հանգամանքը, որ կնքվի խաղաղության պայմանագիր, որը ընդունելի կլինի բոլոր կողմերի համար։
Եվ ՀՀ վարչապետի հետ մեր քննարկման ժամանակ ես հասկացա, որ Հայաստանը հետաքրքրված է տարածաշրջանում խաղաղության և կայունության ամրապնդման հեռանկարով։ Եվ Հայաստանը շատ է հետաքրքրված, որպեսզի տևական լուծումներ գտնվեն»,- ասաց Չեխիայի վարչապետը։
Չեխիայի կառավարությունը, Ֆիալայի խոսքով, պատրաստ է աջակցել խաղաղության նախաձեռնություններին և այն ջանքերին, որոնք կհանգեցնեն տարածաշրջանում կայունության հաստատման։
Մանրամասները՝ տեսանյութում։
