06.06.2026 | 20:00
Ում ենք ընտրում չընտրելով․ քվեարկության չԳնալու ՇԵՐՏԵՐԸ. ՏԵՍԱՆՅՈՒԹ
Կրեմլը անօդաչուների հարձակման մեջ մեղադրում է ԱՄՆ-ին
Քաղաքականություն
04.05.2023 | 15:29
Մոսկվան Կրեմլի վրա անօդաչուների հարձակման մեջ մեղադրում է ԱՄՆ-ին։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը լրագրողների հետ զրույցում, գրում է ՏԱՍՍ-ը։
«Դա հերքելու փորձերը՝ ինչպես Կիևում, այնպես էլ Վաշինգտոնում, իհարկե, բացարձակ ծիծաղելի են։ Մենք լավ գիտենք, որ նման գործողությունների, նման ահաբեկչությունների որոշումները Կիևում չեն կայացվում, այլ հենց Վաշինգտոնում»,-պնդել է Պեսկովը։
Հիշեցնենք, որ Ուկրաինայի իշխանությունները պաշտոնապես հերքել են մեղադրանքները, թե առնչություն ունեն նախօրեին Կրեմլի վրա ԱԹՍ-ներով հարձակմանը։ ԱՄՆ պետքարտուղար Էնթոնի Բլինքենն էլ հայտարարել էր, որ հակված է թերահավատորեն վերաբերվել Կրեմլի հայտարարություններին, և որ պետք է տեսնել փաստերը։ Պատերազմի ուսումնասիրման ամերիկյան ինստիտուտն էլ պնդում է, որ անօդաչուների հարձակումը բեմականացվել է հենց Կրեմլի կողմից։
Էմմա Չոբանյան
