27.06.2026 | 01:05
ԱԱ-2026. Դեմբելեի հեթ-տրիկը հաղթանակ բերեց Ֆրանսիային, Սենեգալը խփեց 5 գոլ. ՏԵՍԱՆՅՈՒԹ
Ռուսաստանը բեմականացրել է Կրեմլի վրա ԱԹՍ-ների հարձակումը․ISW
Քաղաքականություն
04.05.2023 | 13:55
Վաշինգտոնում գործող Պատերազմի ուսումնասիրության ինստիտուտը (ISW) իր ամենօրյա տեղեկագրում վերլուծել է Մոսկվայի կողմից երեկ տարածված տեղեկությունները ուկրաինական երկու անօդաչու թռչող սարքերի հարձակման վերաբերյալ և եզրակացնում է, որ այն բեմադրված է, գրում է BBC-ի ռուսական ծառայությունը։ Մասնավորապես, նշվում է, որ ՌԴ իշխանությունները վերջին ամիսներին հետրողականորեն ուժեղացրել են Մոսկվայի շուրջ ՀՕՊ-ը, ուստի քիչ հավանական է, որ երկու անօդաչու թռչող սարքեր ճեղքեին հակաօդային պաշտպանության բազմաթիվ շերտերը:
«Եթե հարձակումը բեմականացված չլիներ, այն կդառնար ռուսական իշխանությունների համար անակնկալ, և սկզբում նրանք միմյանց հակասող պարզաբանումներ կտային։ Հենց այդպես էր լինում ռազմական անհաջողություններից հետո, ինչպես եղավ Խերսոնում ու Բալակլեայում»,-ասվում է տեղեկագրում։ Ըստ ինստիտուտի փորձագետների՝ դրա փոխարեն Մոսկվան միանգամից ներկայացրել է մանրամասն զեկույց։ Նման համակարգված արձագանքն, ըստ ինտիտուտի մասնագետների, հուշում է, որ հարձակումը պատրաստվել է ներսից։
Կրեմլի վրա հարձակում բեմադրելով, իշխանությունները փորձել են ցույց տալ բնակչությանը, որ պատերազմը մոտ է և դրանում պետք է ամեն մեկը մասնակցի։ Ըստ ինստիտուտի՝ բեմադրությունը նաև կարող է պատրվակ ծառայել մայիսի 9-ի Հաղթանակի օրվա տոնակատարությունները չեղարկելու կամ խիստ կրճատելու համար՝ ավելի ամրապնդելով ռուսների այն զգացումը, որ նապկինի պես ապրել անհնար է։
