06.06.2026 | 20:00
Ում ենք ընտրում չընտրելով․ քվեարկության չԳնալու ՇԵՐՏԵՐԸ. ՏԵՍԱՆՅՈՒԹ
Ալեն Սիմոնյանի անվտանգությունն ապահովող աշխատակիցների նկատմամբ ծառայողական քննություն է նշանակվել ՆԳՆ-ում
Հասարակություն
03.05.2023 | 17:18
Ազգային ժողովի նախագահ Ալեն Սիմոնյանի և Կանադայի քաղաքացի Կարեն Մկրտչյանի միջև տեղ ունեցած միջադեպից հետո Ներքին գործերի նախարարության ոստիկանության ներքին անվտանգության վարչությունում ծառայողական քննություն է սկսվել։ Այս մասին Factor.am-ի հարցին ի պատասխան հայտնեցին Ներքին գործերի նախարարությունից։
Հիշեցնենք, որ մեկ ամիս առաջ Կանադայի քաղաքացի Կարեն Մկրտչյանի և Ազգային ժողովի նախագահ Ալեն Սիմոնյանի միջև Կասկադում միջադեպ է տեղի ունեցել, որի ժամանակ, Մկրտչյանի պնդմամբ, Սիմոնյանը թքել է իր դեմքին։ Մկրտչյանը նաև հայտնել է, որ Սիմոնյանի անվտանգությունն ապահովող աշխատակիցներն այդ ժամանակ բռնած են եղել իր ձեռքերից։
Դեպքի առթիվ վարույթ նախաձեռնվելու արձանագրություն չի կազմվել, սակայն Դատախազությունից Factor.am-ի գրավոր հարցմանն ի պատասխան հայտնել են, որ միջադեպից հետո Ներքին գործերի նախարարության ոստիկանության և Ազգային անվտանգության ծառայության պետական պահպանության ծառայության աշխատակիցների գործողությունների իրավաչափությունը ծառայողական քննության շրջանակներում ստուգելու վերաբերյալ միջնորդություններ են ներկայացվել ՀՀ ՆԳՆ ոստիկանություն և ՀՀ ԱԱԾ պետական պահպանության ծառայություն:
Դատախազութություն Ազգային անվտանգության ծառայության պետական պահպանության ծառայության աշխատակիցների գործողությունների իրավաչափությունը ծառայողական քննության շրջանակներում ստուգելու վերաբերյալ միջնորդություններ են ներկայացվել ՀՀ ՆԳՆ ոստիկանություն և ՀՀ ԱԱԾ պետական պահպանության ծառայություն:
ԱԱԾ լրատվական ծառայությունից հրաժարավեցին բանավոր մեկնաբանել՝ ՊՊԾ աշխատակիցների նկատմամբ ծառայողական քննություն նշանակվել է, թե ոչ՝ պահանջեցին գրավոր հարցում։
Արաքս Մամուլյան
