17.05.2026 | 11:41
Նիկոլ Փաշինյանը շնորհավորել է Կասիմ-Ժոմարտ Տոկաևին ծննդյան տարեդարձի առիթով
Դատախազների մի մասը ընտանեկան բռնություններին հաճախ չեն ուզում խառնվել. Վարդապետյան․ ՏԵՍԱՆՅՈՒԹ
Հասարակություն
03.05.2023 | 12:15
Ընտանեկան բռնության առումով ահռելի անելիք կա, և՛ հանդուրժողականության ձևավորման, և՛ իրավապահ համակարգի վերաբերմունքի ձևավորման տեսանկյունից, քանի որ դեռևս նկատելի է չմիջամտելու, չխառնվելու, արհեստական հաշտեցումների գնալու միտումը, ինչը հանգեցնում է ողբերգական հետևանքների։ Այս մասին Ազգային ժողովում Դատախազության 2022 թվականի տարեկան հաղորդումը քննարկելիս նշեց Գլխավոր դատախազ Աննա Վարդապետյանը։
Գլխավոր դատախազի դիտարկմամբ՝ քիչ չեն դեպքերը, երբ սպանությունները ընտանեկան բռնության դրսևորում են, և ցավն այն է, որ իրավապահ մարմինները հաճախ տեղյակ են լինում ընտանեկան անբարյացկամ հարաբերությունների մասին, սակայն չեն կանխարգելում ողբերգական դեպքերը։
Վարդապետյանը նշեց, որ խախտումներ են արձանագրվել, որոնք վերաբերել են այսպիսի դեպքերը չարձանագրելուն։
Գլխավոր դատախազը նշեց, որ բոլոր դատախազներն ատեստացիա կանցնեն, էթիկայի հարցեր կքննարկվեն։
Սա ևս համակարգային խնդիր է, վերաբերմունք պետք է ձևավորվի՝ հանձնառու լինելու այդ խնդիրներին, այսինքն՝ ընտանեկան բռնությունից տուժողին իր խնդրի հետ մենակ չթողնելու վերաբերմունք պետք է ձևավորվի, որովհետև մասնավոր մեղադրանքի գործերն ամենահաճախ հանդիպող գործերն են, այսինքն՝ մեր քաղաքացիներն ամենաշատն առնչվում են հենց այդ հանցագործություններին,- նշեց Վարդապետյանը։
Մանրամասները՝ տեսանյութում։
