07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Առաջին եռամսյակում պետության վերադարձված գումարները գերազանցում են 1 մլրդ 300 հազարը․ ՀՀ գլխավոր դատախազ․ ՏԵՍԱՆՅՈՒԹ
Տնտեսություն
03.05.2023 | 12:06
Ապօրինի ծագում ունեցող գույքի բռնագանձման վերաբերյալ Հակակոռուպցիոն դատարանում մոտ 40 հայցապահանջ կա։
Այս մասին, այսօր՝ մայիսի 3-ին, Ազգային ժողովում ասաց Գլխավոր դատախազ Աննա Վարդապետյանը՝ պատասխանելով Ազգային ժողովի նախագահի տեղակալ Հակոբ Արշակյանի հարցին, թե ինչ տեղեկություններ կարող է տրամադրել ապօրինի գույքի բռնագանձման գործընթացից։
«Գործընթացը շարունակական է և, այո, ցավոք, համակարգային բնույթ է կրել։ Այս հանգամանքը փաստվում է ոչ միայն ապօրինի ծագում ունեցող գույքի բռնագանձման հայցապահանջներով, այլև պետական պատշպանության ոլորտում կատարված ուսումնասիրությամբ։
Այս պահին ուսումնասիրվում են Երևան քաղաքում մանկապարտեզների օտարման, ինչպես նաև Երևանի զբոսայգիների և կանաչ տարածքների օտարումների գործընթացները»,- նշեց Վարդապետյանը։
Գլխավոր դատախազի կարծիքով՝ 2023 թվականի հաղորդման մեջ ավելի ծավալուն տեղեկատվություն կլինի ապօրինի գույքի բռնագանձման գործերի վերաբերյալ և պետությանը կվերադարձվի ավելի շատ գումար։
«Թափանիվը կարծես նոր սկսել է աշխատել և գործընթացը հունի մեջ է ընկել։ Դա պայմանավորված է նաև դատարանների վերջանական ձևավորմամբ։ Այս առումով չունենք գրեթե շաբաթ, որ հանրությանը չտեղեկացնենք 1-2 հայցադիմում դատարան մուտք անելու մասին։ Եվ այս գործընթացը կշարունակվի առնվազն մի քանի տարի տարի: Դրան կերկրորդեն քրեական վարույթներով վերականգնումները»,- նշեց Վարդապետյանը։
Գլխավոր դատախազն ընդգծեց, որ նախորդ ամբողջ տարվա ընթացքում մոտ 850 մլն դրամի չափով վերականգնում էր տեղի ունեցել, այս տարվա առաջին եռամսյակի արդյունքներով միայն քրեական վարույթներով վերականգնումները 1 միլիարդ 300 միլիոն դրամը գերազանցել են:
Մանրամասները՝ տեսանյութում։
