27.06.2026 | 13:33
Ռուբիոն հայտարարել է Իսրայել–Լիբանան նոր համաձայնագրի մասին. Իրանը դուրս է մնում, «Հեզբոլլահը»՝ նույնպես
Կոռուպցիոն հանցագործությունների դեպքերը նվազել են․ դատախազը ներկայացրեց 2022 թ․ հաղորդումը․ ՏԵՍԱՆՅՈՒԹ
Հասարակություն
03.05.2023 | 11:19
2022 թվականի ընթացքում Հայաստանում արձանագրվել է կոռուպցիոն հանցագործության 1858 դեպք՝ 2021 թվականի 1924-ի դիմաց․ 2021 թվականի համեմատ կոռուպցիոն հանցագործությունների դեպքերը նվազել են 66-ով կամ 3,4 տոկոսով։ Ազգային ժողովում Դատախազության 2022 թվականի տարեկան հաղորդումը ներկայացնելիս այս մասին հայտնեց ՀՀ գլխավոր դատախազ Աննա Վարդապետյանը:
Նրա խոսքով՝ կոռուպցիոն հանցագործությունների դեպքերը նվազումը հիմնականում պայմանավորված է ընտրակաշառք տալու և ընտրակաշառք ստանալու դեպքերի նվազմամբ։
«2021-2022 թվականի կոռուպցիոն հանցագործությունների վերլուծությունը փաստում է կոռուպցիոն հանցագործությունների աննշան նվազման մասին։
Մինչդեռ, 2018-2020 թվականներին արձանագրվել է կոռուպցիոն հանցագործությունների աճ, որը պայմանավորված է այն հանգամանքով, որ մինչև 2018 թվականը կատարված կոռուպցիոն հանցագործությունների վերաբերյալ հաղորդումները հիմնականում ստացվել են 2018 եւ 2019 թվականներին»,- նշեց Վարդապետյանը։
Մանրամասները՝ տեսանյութում։
