16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
ՀՀ ինքնիշխանության սահմանափակելուն ուղղված գործողությունները կքրեականացվեն. ԱՆ փոխնախարար․ ՏԵՍԱՆՅՈՒԹ
Հասարակություն
02.05.2023 | 16:31
Հայաստանում ինքնիշխանությունից հրաժարվելուն ուղղված բռնի գործողությունները, ՀՀ ինքնիշխանությունը լրիվ կամ մասնակի սահմանափակելուն ուղղված գործողություններ կատարելը կպատժվի ազատազրկմամբ՝ մինչև 15 տարի ժամկետով։ ՀՀ քրեական օրենսգրքում փոփոխությունների նախագիծը ԱԺ քննարկմանը ներկայացրեց արդարադատության փոխնախարար Լևոն Բալյանը։ Նրա խոսքով՝ գործող օրենսգիրքը քրեական պատասխանատվություն է սահմանում միայն սահմանադրական կարգը տապալելու և բռնության դրդելու համար։
Բալյանի խոսքով` եթե օրինագիծն ընդունվի, ապա քրեորեն պատժելի կլինեն Հայաստանում ինքնիշխանությունից հրաժարվելուն ուղղված բռնի գործողությունները, ՀՀ ինքնիշխանությունը լրիվ կամ մասնակի սահմանափակելուն ուղղված գործողությունները։
Արարքների համար պատիժը կլինի 10-15 տարի, հրապարակային կոչերի համար՝ վարչակական տուգանքից մինչև 3 տարի ազատազրկում։
Եթե կոչեր արվեն հրապարակայնորեն, լրատվամիջոցներով կամ տեղեկատվական տեխնոլոգիաների կիրառմամբ, ապա պատիժը կարող է լինել 2-5 տարի։ Բալյանն ընդգծեց, որ խոսքը միայն բռնություն պարունակող գործողությունների կամ բռնի գործողությունների կոչերի մասին է։ Օրինակ`հրապարակայնորեն հնչեցրած կարծիքը, որ պետք է հրաժարվել ինքնիշխանությունից, քանի որ դա մեզ պետք չէ, և միանալ X երկրին, քրեորեն պատժելի արարք չէ, սակայն եթե կոչ է արվում պաշարել պետական կառույցներից մեկը, պատանդ վերցնել քաղծառայողներին և ստիպել նրանց ինքնիշխանությունից լրիվ կամ մասնակի հրաժարվելուն ուղղված գործողություններ անել, դա կդիտվի որպես քրեական հանցագործություն։
Մանրամասները՝ տեսանյութում։
