06.06.2026 | 14:39
«Հանրապետություն» կուսակցությունը դեռևս որոշում չունի՝ կդիմի վարչական դատարան, թե՝ ոչ. հայտնում են, որ եռօրյա ժամկետ ունեն
Հյուսիս-հարավ ծրագիրը 900 միլիոն է գնահատվել. ՔՊ-ական պատգամավոր․ ՏԵՍԱՆՅՈՒԹ
Տնտեսություն
02.05.2023 | 16:24
Ազգային ժողովի հերթական նիստում «Քաղաքացիական պայմանագիր» խմբակցության պատգամավոր Սոնա Ղազարյանը մանրամասներ ներկայացրեց Եվրամիության կողմից Հայաստանին տրամադրվող ֆինանսական ծրագրի վերաբերյալ։
Նշենք, որ «Հայաստան» խմբակցության պատգամավոր Արթուր Խաչատրյանը «Հայաստանի Հանրապետության և Եվրասիական զարգացման բանկի միջև «Հյուսիս-հարավ» ավտոճանապարհային միջանցքի շինարարություն (4-րդ հերթ)» նախագծի ֆինանսավորման համար Կայունացման և զարգացման եվրասիական հիմնադրամի միջոցներից ներդրումային վարկի տրամադրման մասին» համաձայնագրի թիվ 4 լրացուցիչ համաձայնագիրը վավերացնելու մասին նախագծի քննարկման ժամանակ հետաքրքվել էր, թե Եվրամիության կողմից Հայաստանին հատկացված 2,6 մլրդ եվրոյից որքա՞ն գումար է արդեն մտել Հայաստան։
Սոնա Ղազարյանը նշեց, որ եվրոպական ֆինանսական կառույցների հետ 2022 թվականի դրությամբ արդեն հաստատվել են 195 մլն եվրո արժողությամբ ծրագրեր, և 86,3 մլն եվրո արժողությամբ ծրագրերը հաստատման փուլում են։
«Ինչ վերաբերում է Հյուսիս-հարավ ճանապարհին, ապա 900 մլն եվրո է գնահատվել ծրագիրը, և դա նախապատրաստման փուլում է։ Դուք քաջատեղյակ եք, որ 2,6 մլրդ եվրոն չի նախատեսվել ծախսել մեկ տարում, դա հնգամյա ծրագիր պետք է լիներ։
Եվ առաջին ծրագրով շեշտադրվել է Սյունիքը։ Սյունիքում ոչ միայն ենթակառուցվածքների զարգացումն է, այլ նաև կրթական բաղադրիչ կա՝ դպրոցների, մանկապարտեզների վերաբերյալ։
Անմասն չեն մնացել ոստիկանական բարեփոխումները, որի համար դրամաշնորհ է հատկացվել։ Ոստիկանական ռեֆորմների համար 10 մլն եվրո դրամաշնորհային ծրագիր է ուղղվել, ինչպես նաև 5,2 մլն եվրո դրամաշնորհ՝ սոցիալական ծախսերի նպատակով»,- նշեց Ղազարյանը։
Մանրամասները՝ տեսանյությում։
