15.08.2026 | 10:28
Վթարային ջրանջատում Կարճևան գյուղում
Շոյգուն պնդում է, որ Ուկրաինան մեկ ամսում 15 հազար մարդու կորուստ է ունեցել
Քաղաքականություն
02.05.2023 | 17:07
Ռուսաստանի պաշտպանության նախարար Սերգեյ Շոյգուն երեքշաբթի օրը հայտարարել է, որ ապրիլին Ուկրաինայի զինված ուժերը կորցրել են 15 հազար մարդ, փոխանցում է BBC-ի ռուսական ծառայությունը։
«Չնայած արևմտյան երկրների աննախադեպ ռազմական օգնությանը, հակառակորդը զգալի կորուստներ է կրում: Միայն վերջին մեկ ամսվա ընթացքում նրանք կորցրել են ավելի քան 15 հազար մարդ», – երեքշաբթի օրը կայացած կոնֆերանսի ժամանակ հայտարարել է Շոյգուն։ Նա չի մասնավորեցրել՝ խոսքը միայն զոհերի, թե զոհերի և վիրավորների ընդհանուր թվի մասին է։
Ավելի վաղ հայտնել էինք, որ Սպիտակ տունը հրապարակել է հետախուզական տվյալներ, որոնց համաձայն վերջին հինգ ամիսների ընթացքում Բախմուտի համար մղվող մարտերում ռուսական կողմը մոտ 100 000 զոհ ու վիրավոր են ունեցել։
