08.10.2026 | 15:01
Հայտնի է ազատ ոճի ըմբշամարտի Հայաստանի հավաքականի կազմն ԱԱ-ում
Ռուսաստանի կորուստները Բախմուտի համար մղվող մարտերում հասնում են 100 հազարի. Սպիտակ տուն
Քաղաքականություն
02.05.2023 | 11:27
Սպիտակ տունը երկուշաբթի օրը հրապարակել է հետախուզական տվյալներ, որոնց համաձայն վերջին հինգ ամիսների ընթացքում Բախմուտի համար մղվող մարտերում ռուսները մոտ 100 000 զոհ ու վիրավոր են ունեցել, գրում է VOA-ն:
Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին լրագրողներին ասել է, որ ԱՄՆ հետախուզության գնահատականներով 20 000 զոհ է գրանցվել, որոնց կեսը՝ «Վագներից»․ նրանք հիմնականում եղել են ռուսական բանտերից հավաքագրված դատապարտյալներ:
«Դոնբասում հարձակում սկսելու Ռուսաստանի փորձը Բախմուտի միջոցով ձախողվել է», – ասել է Քիրբին` մատնանշելով այն, որ Ռուսաստանը չկարողացավ գրավել որևէ իրական ռազմավարական նշանակության տարածք։ Նրա խոսքով՝ ռուսական զորքերը որոշակի առաջընթաց գրանցել են Բախմուտում, սակայն դա հաջողվել «սարսափելի գնով», իսկ ուկրաինական պաշտպանությունը տարածաշրջանում մնում է ուժեղ։
«Ռուսաստանը սպառել է իր ռազմական ռեզերվները և ուժերը․ միայն դեկտեմբերից ի վեր, մեր գնահատականների համաձայն, Ռուսաստանն ավելի քան 100 հազար կորուստ է տվել, այդ թվում՝ ավելի քան 20 000 սպանվա, որոնց գրեթե կեսը եղել են «Վագներ»-ի զինյալները», – ասել է Քիրբին:
