15.12.2025 | 12:54
Շատ խոշոր բիզնեսներ կրպակից չեն տարբերվում, տեղից շարժվե՛ք․ Ավինյան. ՏԵՍԱՆՅՈՒԹ
Ստամբուլում մայիսմեկյան ցույցերին բախումներ են գրանցվել ոստիկանների և ցուցարարների միջև․ կան ձերբակալվածներ
Քաղաքականություն
01.05.2023 | 17:42
Այսօր վաղ առավոտյան թուրքական ոստիկանությունը պատնեշներ է կանգնեցրել՝ փակելով Ստամբուլի կենտրոնում գտնվող Հանրապետության հուշարձան և Թաքսիմի հրապարակ տանող բոլոր երթուղիները, քանի որ Ստամբուլի նահանգապետարանը մերժել է մայիսի 1-ին Աշխատավորների օրվա կապակցությամբ ցույց անցկացնել, գրում է Bianet-ը։
Չնայած ոստիկանական շրջափակումներին՝ տարբեր քաղաքական կուսակցություններ, արհմիություններ, երիտասարդական կազմակերպություններ փորձել են ցույցեր և երթեր անցկացնել խորհրդանշական հրապարակում, ինչի արդյունքում բազմաթիվ ձերբակալություններ են տեղի ունեցել:
Պայքարի միության անդամները (Mücadele Birliği) եղել են նրանց թվում, որոնք վաղ առավոտից բերման են ենթարկվել «Մենք չենք հեռացել, մենք այստեղ ենք, կեցցե՛ Մայիսի 1-ը» պաստառով երթով դեպի Թաքսիմ շարժվելիս։
Ձերբակալվել են նաև տարբեր արհիմիությունների անդամներ ու ղեկավարներ։
Բացի այդ, ոստիկանությունը ձերբակալել է Սոցիալական ազատություն (TÖP), Ժողովրդի փրկություն (HKP), Հեղափոխական (DP) և Բռնադատվածների սոցիալիստական (ESP) կուսակցությունների անդամների՝ հանրահավաքներ անցկացնելու փորձերի պատճառով։
Էմմա Չոբանյան
