08.04.2026 | 23:33
Հայաստանը տարածաշրջանում առաջատարն է The Economist-ի Ժողովրդավարության ինդեքսի համաձայն
Ընտրությունների նախաշեմին Թուրքիայի ոստիկանությունը ձերբակալել է 110 քուրդ ակտիվիստների, քաղաքական գործիչների, փաստաբանների, լրագրողների
Քաղաքականություն
25.04.2023 | 23:30
Թուրքական ոստիկանությունն ամբողջ երկրում հատուկ գործողությունների արդյունքում ձերբակալել է 110 քուրդ լրագրողների, քաղաքական գործիչների, իրավաբանների և արվեստագետների, գրում է Duvar-ը։
Մասնավորապես, Թուրքիայի հարավ-արևելյան 21 նահանգներում 110 քուրդ լրագրողներ, քաղաքական գործիչներ, իրավաբաններ և արվեստագետներ ձերբակալվել են։
Դիարբեքիրի փաստաբանների միությունից Մեհդի Օզդեմիրը հայտնել է, որ դատախազության ցուցումով խուզարկություններ են իրականացվում բազմաթիվ փաստաբանների գրասենյակներում։
«Մեզ որևէ պարզաբանում չի ներկայացվել։ Դա ընդհանուր հետաքննություն է՝ ուղղված տարբեր մասնագիտական խմբերի դեմ։ Նրանց թվում կան հասարակական կազմակերպությունների ներկայացուցիչներ»,- ասել է նա։
Քրդամետ Ժողովուրդների դեմոկրատական կուսակցության (HDP) համանախագահ Թայիփ Թեմելը թվիթերյան իր էջում արձագանքել է ձերբակալություններին՝ նշելով. «Հերթական անգամ ընտրություններից առաջ իշխանությունը կորցնելու վախից նրանք դիմում են ձերբակալությունների։ Այսօր առավոտյան բերման են ենթարկվել մեր տասնյակ ընկերներ, այդ թվում՝ մեր կենտրոնական գործադիր վարչության անդամներ, փոխնախագահներ, լրագրողներ, արվեստագետներ, իրավաբաններ։ Պարտվելուց չես փախչի»։
HDP-ի նախկին համանախագահ, բանտարկված Սելահեթթին Դեմիրթաշն էլ թվիթերյան իր էջում քննադատել է ձերբակալությունները՝ ասելով, որ դրանց հետևում կանգնած է Թուրքիայի ներքին գործերի նախարար Սուլեյման Սոյլուն։
Էմմա Չոբանյան
