27.06.2026 | 06:03
ԱԱ-2026. Իսպանիան հաղթեց Ուրուգվային, Կաբո Վերդեն նույնպես դուրս եկավ փլեյ-օֆֆ. ՏԵՍԱՆՅՈՒԹ
Չկա տրամաբանական պատճառաբանություն, թե ինչու են խուսափում հանդիպել ծնողների հետ․ Նորայր Նորիկյան
Հասարակություն
21.04.2023 | 14:56
Գեղարքունիքի մարզի գյուղի զինվորական կացարանում հունվարի 19-ին բռնկված հրդեհի հետեւանքով զոհված զինծառայողների ծնողները վարչապետին, պաշտպանության նախարարին կամ կառավարության որևէ իրավասու անձի հանդիպելու պահանջ են ներկայացրել և վաղ առավոտից բողոքի ակցիաներ են իրականացնում՝ փողոցներ փակել։
«Դեպքից 10-15 օր հետո պահանջ ներկայացվեց հանդիպել ՀՀ վարչապետի կամ պաշտպանության նախարարի հետ։ Առ այս պահը երկուսն էլ խուսափում են հանդիպել ծնողների հետ՝ անհասկանալի պատճառներով։ Որևէ տրամաբանական պատճառաբանություն չի բերվում, թե ինչու են կաշկանդվում կամ ձեռնպահ մնում հանդիպել։
Բերվում է մի պատճառ, որ նախաքննություն է ընթանում։ Բայց դա ինչպե՞ս է խոչընդոտում, որ հանդիպեն ծնողների հետ․ դա բացարձակապես անտրամաբանական հիմնավորում է»,- կառավարության դիմաց լրագրողների հետ զրույցում ասաց զինծառայողների ծնողների շահերի ներկայացուցիչ Նորիկ Նորիկյանը՝ հավելելով, որ ծնողները հարցեր ունեն, որոնց պատասխաններն ակնկալում են ստանալ վարչապետից կամ պաշտպանության նախարարից, և դա լեգիտիմ, մարդկային, բարոյական պահանջ է։
Իրավապաշտպանի խոսքով՝ առ այս պահը որևէ պաշտոնական պատասխան չկա՝ հանդիպում լինելո՞ւ է, թե՞ ոչ։
Մանրամասները՝ տեսանյութում։
