25.10.2026 | 13:01
Կենսաբազմազանության պահպանությունը պետք է նոր հնարավորություններ ստեղծի կայուն տնտեսական աճի համար. Միրզոյան
Բարձր ձայներ լսեցի, գնացի. Խաչատուր Սուքիասյանը` ՔՊ-ական պատգամավորի սենյակում տեղի ունեցածի մասին
Հասարակություն
21.04.2023 | 13:59
Այսօր Ազգային ժողովի արտահերթ նիստի ընդմիջմանը «Հայաստան» խմբակցության պատգամավոր Գեղամ Մանուկյանը և ՔՊ-ական մի քանի պատգամավորներ ինչ-որ հարցի շուրջ տեղի ունեցած տարաձայնությունները քննարկելու նպատակով դահլիճից գնացին իշխանական պատգամավոր Մաթևոս Ասատրյանի աշխատասենյակ։
Շուրջ կես ժամ նրան քննարկում էին միմյանց «թասիբ ունենալ-չունենալու» հարցը։ Նրանց ձայներն այնքան բարձր էին, որ հարևան աշխատասենյակից դուրս եկավ և նրանց միացավ ՔՊ-ական պատգամավոր Խաչատուր Սուիքասյանը։
Լրագրողները պատգամավորների դուրս գալուց հետո փորձեցին պարզել, թե ինչ հարց էին քննարկում նման ոգևորությամբ։
«Պարզապես զրույց էր, ռազբորկա չի եղել»,- լրգրողների հետ զրույցում նշեց Գեղամ Մանուկյանը։ -Մաթևոս Ասատրյանին փորձում էի մի քանի պատմական դրվագներ ասել՝ հոկտեմբերի 27-ից սկսած: Ռազբորկա չի եղել»։
Խաչատուր Սուքիասյանը հավելեց. «Ձայները բարձր էին, ասացի՝ գնամ, տեսնեմ ինչ է եղել: Նստած խոսում էին, սուրճ էին խմում: Բարձր ձայնով էին խոսում, չեմ կարող ասել՝ գոռգոռում էին»:
Մանրամասները` տեսանյութում։
