09.09.2026 | 09:44
Հանրապետությունում ավտոճանապարհներն անցանելի են
Գերատեսչությունների դեմ ԶԼՄ-ների կողմից ներկայացված դատական հայցերը տարվա ընթացքում կարող են աճել. ԽԱՊԿ․ ՏԵՍԱՆՅՈՒԹ
Հասարակություն
21.04.2023 | 13:39
Բացասական միտումներ են նկատվում տեղեկություններ ստանալու և տարածելու իրավունքի հետ կապված: Մասնավորապես, ընթացիկ տարվա առաջին եռամսյակում այդ իրավունքի խախտման 49 նման դեպք է գրանցվել՝ նախորդ տարվա նույն ժամանակահատվածի 45-ի դիմաց: Այս մասին նշեց Խոսքի ազատության պաշտպանության կոմիտեի նախագահ Աշոտ Մելիքյանը՝ ներկայացնելով 2023 թվականի առաջին եռամսյակի զեկույցը՝ Հայաստանում խոսքի ազատության վիճակի և լրագրողների ու ԶԼՄ-ների իրավունքների խախտումների վերաբերյալ:
Նրա խոսքով՝ պետական մարմինները կամ չեն պատասխանում գրավոր հարցումներին, կամ պատասխանում են լղոզված՝ բոլոր հարցումներին չանդրադառնալով։ Ուսումնասիրությունները ցույց են տալիս, որ լրագրողները որպես կանոն փորձում են ստանալ տեղեկատվություն, որոնք պետական գաղտնիք չեն պարունակում, սակայն անտեղի հղում անելով այս կամ այն գաղտնիքների մասին օրենքին, գերատեսչությունները տեղեկությունը չեն տրամադրում կամ տալիս են թերի պատասխան:
Մելիքյանի դիտարկմամբ՝ գերատեսչությունների դեմ ԶԼՄ-ների կողմից ներկայացված դատական հայցերը տարվա ընթացքում կարող են աճել։
Ինչ վերաբերում է լրագրողների ու լրատվամիջոցների նկատմամբ հարուցված դատական հայցերին, ապա ընթացիկ տարվա առաջին եռամսյակում ներկայացվել է 8 նոր դատական հայց, որոնցից 1-ը բիզնես ոլորտի ներկայացուցչի կողմից է, 7-ը՝ նախկին ու ներկա աշխատողների:
Մանրամասները՝ տեսանյութում։
