16.01.2026 | 16:25
Իսրայելական բանակի ուղղաթիռը վթարի է ենթարկվել. ՏԵՍԱՆՅՈՒԹ
Թեհրանի ու Բաքվի լարված հարաբերությունների ֆոնին Ալիևը շնորհավորական ուղերձ է հղել Իրանի նախագահին
Քաղաքականություն
21.04.2023 | 15:51
Թեհրանի ու Բաքվի միջև հարաբերությունների շարունակվող լարվածության ֆոնին Ադրբեջանի նախագահ Իլհամ Ալիևը շնորհավորական ուղերձ է հղել Իրանի նախագահ Էբրահիմ Ռաիսիին իսլամական սուրբ տոնի՝ Էյդ Ալ-Ֆիտրի առթիվ, հայտնում է իրանական Irna գործակալությունը։
Մասնավորապես, նշվում է, որ նախագահ Էբրահիմ Ռաիսիին ուղղված ուղերձում Ադրբեջանի նախագահ Էլհամ Ալիևը շնորհավորել է նրան, գերագույն առաջնորդ այաթոլլա Սեյեդ Ալի Խամենեիին և Իրանի ժողովրդին տոնի առթիվ։
Հավելենք, որ երկու երկրների միջև առկա լարվածությունը թոթափելու նպատակով ԱԳ նախարարները վերջին շրջանում երեք փուլով հեռախոսային բանակցություններ են անցկացրել, որոնք կողմերը դրական են գնահատում։ Միաժամանակ, Ադրբեջանի իշխանությունները շարունակում են երկրում կրոնական գործիչների ձերբակալությունները՝ նրանց մեղադրելով Իրանի հետ կապերի մեջ։ Բացի այդ՝ Բաքուն «անցանկալի անձ» էր ճանաչել Իրանի դեսպանատան չորս աշխատակցի ու վտարել երկրից։
Էմմա Չոբանյան
