06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Թուրքիան սկսել է բնական գազի մատակարարումները Սև ծովի հանքավայրից
Քաղաքականություն
21.04.2023 | 12:30
Թուրքիան սկսել է գազի մատակարարումը Սև ծովի իր հատվածում գտնվող Սակարյա հանքավայրից, գրում են թուրքական լրատվամիջոցները։
«Այս նախագիծը մենք իրագործել ենք ռեկորդային 32 ամսում։ Թուրքիան այսօր հսկայական քայլ է արել էներգետիկ անկախության ուղղությամբ»,- մեկնարկի արարողության ժամանակ ասել է Էրդողանը։ Նա հայտարարել է, որ առաջին փուլում Սաքարյա հանքավայրից արդյունահանվելու է օրական 10 մլն խորանարդ մետր գազ, իսկ երկրորդ փուլում՝ օրական 40 մլն խմ։ Ըստ նրա՝ Սև ծովի բնական գազը կբավարարի Թուրքիայի կարիքների 30%-ը։
Ընտրությունների նախաշեմին Էրդողանը նաև հայտարարել է, որ կենցաղային կարիքների համար օգտագործվող բնական գազը մեկ ամիս ժամկետով անվճար կլինի, իսկ 25 խմ բնական գազի սպառումը մեկ տարի չի գանձվի։
Հավելենք, որ Սաքարյա հանքավայրին կից Caycuma-1 հանքավայրում բնական գազի պաշարները գնահատվում են 710 միլիարդ խորանարդ մետր։
Էմմա Չոբանյան
