08.10.2026 | 13:20
«Մենք չպետք է մոռանանք Ռուբեն Վարդանյանին և մյուս հայերին, որոնք դեռ պատանդ են պահվում Բաքվում»․ Եվրախորհրդարանի պատգամավոր
«Երևանը չի արձագանքում մեր առաջարկներին»․Բայրամովը ԱՄՆ պետքարտուղարի փոխտեղակալի հետ հանդիպմանը դժգոհել է ՀՀ-ից
Քաղաքականություն
21.04.2023 | 11:55
Ադրբեջանի ԱԳ նախարար Ջեյհուն Բայրամովը նախօրեին ընդունել է ԱՄՆ պետքարտուղարի փոխտեղակալ Էրիկա Օլսոնին։
«Բայրամովն ու Օլսոնը քննարկել են Ադրբեջանի և ԱՄՆ-ի երկկողմ հարաբերությունները, Հարավային Կովկասում տիրող իրավիճակը, Ադրբեջանի և Հայաստանի միջև հարաբերությունների կարգավորմանն ուղղված քայլերը»,-ասվում է Ադրբեջանի ԱԳՆ հաղորդագրության մեջ։ Բայրամովը հայտարարել է, թե Բաքուն է Երևանի հետ հարաբերությունների կարգավորման նախաձեռնողը, այդ թվում՝ խաղաղության պայմանագրի ստորագրման։
«Միևնույն ժամանակ, նախարարը Օլսոնի ուշադրությանն է ներկայացրել այս գործընթացը խաթարելու Հայաստանի գործողություններին, մասնավորապես այն, որ Երևանը 6 շաբաթվա ընթացքում չի արձագանքել խաղաղության համաձայնագրի տեքստի վերաբերյալ Բաքվի վերջին առաջարկներին»,-ասվում է հաղորդագրության մեջ։
Օլսոնն էլ իր հերթին հայտնել է տարածաշրջանում խաղաղության և կայունության հաստատման կարևորությունը, ընդգծել խաղաղության համաձայնագրի ստորագրման անհրաժեշտությունը։ Նա նշել է, որ Միացյալ Նահանգները միշտ պատրաստ է աջակցել Ադրբեջանի և Հայաստանի միջև երկկողմանի բանակցություններին։
Հիշեցնենք, որ ավելի վաղ էլ Օլսոնը բանակցություններ էր անցկացրել Ադրբեջանի նախագահ Իլհամ Ալիևի հետ։
Էմմա Չոբանյան
