14.09.2026 | 22:01
Հայաստանի մի շարք հասցեներում էլեկտրաէներգիայի անջատումներ կլինեն
Դատարանը մերժեց գյումրեցի քրեական հեղինակությանը ենթարկել տնային կալանքի կամ 20 միլիոն դրամ գրավի դիմաց ազատ արձակել
Հասարակություն
20.04.2023 | 22:13
Շիրակի մարզի ընդհանուր իրավասության դատարանը՝ դատավոր Ժենյա Մելիքսեթյանի նախագահությամբ, այսօր շարունակել է քրեական ենթամշակույթ կրող անձանց գործով դատավարությունը։ Այս գործով անցնում են քրեական հեղինակությունհամարվող երկու անձինք՝ Սուրեն Ավետիսյանը Պաշի տղա Սուրո Լեննականսկի մականունով և Արտյոմ Ղազարյանը՝ Զապի եգան Արտյոմ Լեննականսկի մականունով։
Արտյոմ Ղազարյանի պաշտպանը դատարանին միջնորդել էր փոխել նրա խափանման միջոցը՝ ազատ արձակել 20 միլիոն դրամ գրավի դիմաց կամ ենթարկել տնային կալանքի։ Դատարանը մերժել է միջնորդությունը։ Դատարանը երկու ամսով երկարացրել է այս գործով անցնող Էդմոնդ Գրիգորյանի և Ցոլակ Գևորգյանի տնային կալանքի ժամկետը։ Այսօրվանից դատը մտել է հիմնական դատաքննության փուլ։
Հիշեցնենք, որ այս գործով անցնում են ութ ամբաստանյալներ, որոնցից ընդամենը երեքն են մնացել կալանքի տակ։ Գլխավոր մեղադրյալը քրեական հեղինակություն համարվող Սուրեն Ավետիսյանն է, որին մեղադրանք է առաջադրվել քրեական ենթամշակույթ կրող խմբավորում ստեղծելու մեջ։ Մյուսները, դառնալով խմբավորման անդամներ, կատարել են նրա հանձնարարականները։
Ըստ քննչական կոմիտեի տարածած հաղորդագրության Պաշի տղա Սուրո Լեննականսկի մականունով հայտնի անձի նկատմամբ քրեական հետապնդում է հարուցվել՝ ՀՀ քրեական օրենսգրքի 323-րդ հոդվածի 2-րդ մասի 5-րդ կետով, Էդմոնդ Գրիգորյանի, Աշոտ Իգիթյանի, Ռաֆիկ Իգիթյանի, Արմեն Վարոսյանի նկատմամբ՝ ՀՀ քրեական օրենսգրքի 324-րդ հոդվածի 1-ին մասով, Զապի եգան Արտյոմ Լեննականսկի մականվամբ հայտնի քրեական հեղինակության, Կարեն Վարոսյանի նկատմամբ՝ ՀՀ քրեական օրենսգրքի 322-րդ հոդվածի 1-ին մասով»։
Արմիկ Մովսիսյան
