13.12.2024 | 21:14
ԿԺԴՀ զինվորներն արդեն կռվում են Կուրսկի մարզում և 2 ժամում գյուղ են գրավել․ ռուս ռազմական թղթակիցներ
Արցախի դեմ ագրեսիայի ադրբեջանցի մասնակցին բանտի աշխատակիցները խոշտանգել են
Քաղաքականություն
14.04.2023 | 22:55
Ադրբեջանում շարունակվում են միջադեպերը Արցախի դեմ Բաքվի սանձազերծած 44-օրյա պատերազմի մասնակիցների շրջանում։ Մասնավորապես,Արցախի դեմ ագրեսիայի մասնակիցներից մեկը սպանվել է ադրբեջանական բանտում։
Ադրբեջանական Meydan TV-ին հայտնում է, որ Լերիկի Բուրսուլում գյուղի բնակիչ Ֆահրեդդին Աղաևը պնդում է, որ իր եղբորորդուն՝ Սուբհան Աղաևին, խոշտանգել և սպանել են Սալյանի շրջանի թիվ 5 բանտում։ Նա լրատվամիջոցին ասել է, որ Սուբհան Աղաևը պատասխանատվության է ենթարկվել 2022 թվականի հոկտեմբերին։
«2023 թվականի հունվարին Խազարի շրջանային դատարանի որոշմամբ նա մեղավոր է ճանաչվել գողության մեջ և ազատազրկվել 3 տարի 6 ամիս ժամկետով։ 2023 թվականի փետրվարի 25-ին տեղափոխվել է Սալյանի թիվ 5 գաղութ։ Փետրվարի 28-ին տղայի մահվան լուրն է եկել,- պատմել է հանգուցյալի հորեղբայրը։
«Նրա մարմնի վրա խոշտանգումների հետքեր են եղել, ձեռքերն ու ոտքերը կապել են ու անխնա ծեծել։ Նախաքննությամբ եզրակացրել են, որ նրա մոտ սրտի սուր անբավարարություն է եղել։ Մենք համաձայն չենք արտահայտված կարծիքի հետ։ Սուբհանը բանակում ծառայել է 2017 թ։ Հետազոտությունների ընթացքում սրտի հետ կապված խնդիրների մասին տեղեկություն չի եղել։ Նա առողջ երեխա էր։ Կամավոր մասնակցել է Ղարաբաղյան Երկրորդ պատերազմին»,-ասել է հորեղբայրը։
Արցախին դեմ ագրեսիային մասնակցեու համար Սուբհան Աղաևը նաև պարգևատրվել է մի շարք մեդալներով։ Ֆահրեդդին Աղաևը բողոքել է նաև քննիչի աշխատաքից՝ նշելով, որ գործի քննություն որպես այդպիսին չի իրականացվում։
Էմմա Չոբանյան
