Ադրբեջանցի մարզիկներին ՀՀ-ն անվտանգության հատուկ միջոցներ է խոստացել․ ՏԵՍԱՆՅՈՒԹ

ՄՀՀ-ում մեկնարկել է ասուլիս` նվիրված ապրիլի 15-23-ը Հայաստանում անցկացվելիք Ծանրամարտի Եվրոպայի առաջնությանը։

Ծանրամարտի Եվրոպայի առաջնության ադրբեջանական պատվիրակությունը արդեն Հայաատանում է, պատվիրակության կազմում 12 հոգի է։ Այս մասին հրավիրված մամուլի ասուլիսի ժամանակ հայտնեց Վարչապետի աշխատակազմի ղեկավար Արայիկ Հարությունյանը։

Նա նաև  նաև հայտնեց, որ 12-հոգանոց պատվիրակության 4 անդամն է մարզիկ։

Նշենք, որ Ծանրամարտի միջազգային ֆեդերացիայի նախագահ Մուհամեդ Ջալուդն ասուլիսում հայտարարել էր՝ այս պահին աշխարհում իրավիճակն այնքան էլ կայուն չէ, գիտեք Ռուսաստանում եւ Ուկրաինայում տիրող իրավիճակը, բայց հայերը ոսկե սիրտ ունեն եւ համաձայնել են ընդունել բոլոր մարզիկներին, որոնք մասնակցության հայտ են ներկայացրել:

Հարությունյանը կրկնեց նրա խոսքը՝ անդրադառնալով ադրբեջանցի մարզիկների անվտանգությանը վերաբերող հարցին։

«Իհարկե ընդունող երկիրը Հայաստանն է, բայց մրցաշարի կազմակերպիչը Ծանրամարտի միջազգային ֆեդերացիան է, և բոլոր մարզիկները, որոնք ցանկություն ունեն մասնակցելու այդ մրցաշարին, մենք պարտավոր ենք ընդունելու։ Մենք խոստացել ենք, որ բոլոր հայտ ներկայացրած մարզիկներին ընդունելու ենք և ապահովելու ենք նրանց անվտանգությունը։ Ադրբեջանի թիմի հետ կապված անվտանգային հարցեր ենք քննարկել և անընդհատ շեշտել ենք, որ նրանց անվտանգությունը ևս պատրաստ ենք ապահովել, խնդրել են լրացուցիչ անվտանգության երաշխիքներ, մենք դա էլ ենք ապահովել»,- նշեց Հարությունյանը։

Մանրամասները՝ տեսանյութում։