06.06.2026 | 17:19
Երևանի 3 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
Սերժ Թանկյանը կոչ է արել պատժել Ադրբեջանին և Ալիևին
Քաղաքականություն
12.04.2023 | 22:49
Աշխարհահռչակ ռոք երաժիշտ, երգահան, բանաստեղծ և քաղաքական ակտիվիստ Սերժ Թանկյանը ֆեյսբուքյան գրառմամբ անդրադարձել է երեկ Տեղ գյուղում Ադրբեջանի ԶՈւ-ի սադրանքին և կոչ արել պատժամիջոցներ կիրառել Իլհամ Ալիևի դեմ։
«Ադրբեջանը կրակում է հայկական դիրքերի ուղղությամբ Հայաստանի տարածքում։ Բախումները շարունակվում են, Ադրբեջանը Սյունիքի Տեղ գյուղում ականանետեր է արձակում հայ զինվորների վրա, հայկական կողմը պատասխան գործողություններ է ձեռնարկում»,-նշված է Թանկյանի գրառման մեջ։
Ռոք երաժիշտն իր գրառման մեջ օգտագործել է #sanctionazerbaijan («Պատժել Ադրբեջանին») և #sanctionaliyev(«Պատժել Ալիևին») հեշթեգերը։
Հիշեցնենք, որ երեկ՝ ժամը 16:00-ի սահմաններում, ադրբեջանական ԶՈՒ-ն կրակ է բացել Տեղ գյուղում ինժեներական աշխատանքներ կատարող հայկական ստորաբաժանումների ուղղությամբ։ Ադրբեջանական սադրանքի հետևանքով հայկական կողմն ունի 4 զոհ և 6 վիրավոր։
