25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
ՀՀ-ն 2023թ․ 1-ին եռամսյակում Վրաստան մեկնած քաղաքացիների թվով 3-րդն է
Քաղաքականություն
12.04.2023 | 22:56
Վրաստանի ներքին գործերի նախարարության (ՆԳՆ) 2023 թվականի առաջին եռամսյակի վիճակագրության համաձայն՝ Վրաստան մուտք գործած քաղաքացիների թվով առաջին տեղում Ռուսաստանի Դաշնությունն է: Այս մասին գրում է Aliq Media-ն։
Ըստ ՆԳՆ-ի՝ 3 ամսում Վրաստանի սահմանը հատել է Ռուսաստանի 298 հազար 285 քաղաքացի: ՆԳՆ-ի հրապարակած սահմանային հատումների վիճակագրության համաձայն, հունվար-մարտ ամիսներին Վրաստանից դուրս է եկել Ռուսաստանի Դաշնության 320 հազար 236 քաղաքացի։
Սահմանների հատման վիճակագրությամբ Վրաստան մուտք գործած քաղաքացիների թվով Թուրքիան երկրորդ տեղում է, որին հաջորդում են Հայաստանը, ԵՄ երկրները, Իսրայելը, Ադրբեջանը և Ուկրաինան։
Բացի այդ, պաշտոնական տվյալներով՝ 2023 թվականի առաջին եռամսյակում պետական սահմանը հատվել է ընդհանուր առմամբ 3 մլն 574 հազար 595 անգամ (մուտք, ելք)։ Քաղաքացիների 66 տոկոսը եղել են օտարերկրացիներ, իսկ 34 տոկոսը՝ վրացիներ։ Ժամանածներից 732 հազար 738 քաղաքացի 24 ժամ և ավելի է անցկացրել երկրում, 171 հազար 133 քաղաքացի Վրաստանի տարածքը օգտագործել է տեղափոխման նպատակով:
Կայքը նշում է, որ հունվար-մարտ ամիսներին սահմանի հատման ամենաբարձր ցուցանիշը գրանցվել է վրաց-թուրքական «Սարփի»-ի մաքսակետում, երկրորդը Թբիլիսիի միջազգային օդանավակայանն է, երրորդը՝ վրաց-հայկական «Սադախլո»-ի մաքսակետը։
