07.09.2026 | 23:10
Կաբարդինո-Բալկարիայում ձնահյուսի հետևանքով 11 լեռնագնաց է զոհվել
Կարեն Կարապետյանի հրաժարականի դիմում չկա․ պարզաբանում է Ռուբեն Թադևոսյանը
Քաղաքականություն
26.06.2018 | 11:07
«Հանրապետական» կուսակցության առաջին փոխնախագահ, նախկին վարչապետ Կարեն Կարապետյանը կուսակցությունից դուրս գալու դիմում չի ներկայացրել։ Այս մասին Factor.am-ի հետ զրույցում ասաց Հանրապետականի գործադիր մարմնի անդամ, կազմակերպչական հանձնաժողովի նախագահ Ռուբեն Թադևոսյանը․ «Այս պահին մեզ մոտ Կարեն Կարապետյանի հրաժարականի դիմում չկա, նրա հրաժարականի մասին ընդամենը եղել են քննարկումներ»։
Հստակեցնող հարցին՝ իսկ ո՞ւմ հետ են եղել այդ քննարկումներն ու արդյոք դրանց մասնակցե՞լ է կուսակցության առաջնորդը՝ Սերժ Սարգսյանը, Ռուբեն Թադևոսյանը պատասխանեց․ ««Հանրապետական» կուսակցության առաջին փոխնախագահի հրաժարականի դիմումը քննարկվել է գործադիր մարմնի բոլոր անդամների հետ»։
Հիշեցնենք, որ մամուլն այսօր գրել էր, որ Կարեն Կարապետյանն արդեն հրաժարական է տվել, իսկ հրաժարականի պատճառը կուսակցական ոչ ակտիվ գործունեությունն է։
Ավելի վաղ էլ մամուլը նաև գրել էր, որ վարչապետի պաշտոնից հեռանալուց հետո Կարեն Կարապետյանը չի մասնակցում ՀՀԿ-ի գործադիր մարմնի ամենշաբաթյա նիստերին։
