07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Զելենսկին պատերազմի սկզբից ի վեր առաջին անգամ կարող է այցելել Գերմանիա
09.04.2023 | 15:49
Ուկրաինայի նախագահ Վլադիմիր Զելենսկին մայիսին կարող է պատերազմից ի վեր առաջին անգամ այցելել Գերմանիա։ Այս մասին կիրակի հայտնել է Bild թերթը՝ հղում անելով աղբյուրներին, փոխանցում է ՏԱՍՍ-ը:
Ըստ թերթի՝ Զելենսկին կարող է անձամբ մասնակցել մայիսի 14-ին Գերմանիայի Աախեն քաղաքում կայանալիք Կարլոս Մեծի մրցանակի հանձնմանը։ Սակայն Ուկրաինայի նախագահի ուղեւորությունը, ինչպես գրում է թերթը, կարող է խանգարել պատերազմական գոտում իրավիճակին։ Այդ իսկ պատճառով Զելենսկին տեսաուղերձի միջոցով կխոսի արարողության մասնակիցների հետ։
Սպասվում է, որ միջոցառման բացմանը հանդիսավոր ելույթով հանդես կգա Գերմանիայի կանցլեր Օլաֆ Շոլցը։ 2023 թվականին մրցանակի դափնեկիր է դարձել «Ուկրաինայի նախագահ Վլադիմիր Զելենսկին և ուկրաինացի ժողովուրդը»։ Կարլոս Մեծի մրցանակը պետք է շնորհվեր մայիսի 18-ին, սակայն քանի որ Շոլցը մասնակցելու է Ճապոնիայում կայանալիք Յոթնյակի (G7) գագաթնաժողովին, մրցանակաբաշխությունը կտեղափոխվի շաբաթավերջ։
