13.12.2025 | 22:20
Ֆրանսիան հաղթեց «Մանկական Եվրատեսիլ»-ում
Թունավոր ծխի ամպը պատել է Համբուրգի երկինքը խոշոր հրդեհից հետո
09.04.2023 | 15:16
Գերմանական Համբուրգում ծխի թունավոր ամպ է գոյացել Ռոտենբուրգսորտ թաղամասում բռնկված խոշոր հրդեհից հետո, որը շարժվել է դեպի քաղաքի կենտրոն: Այս մասին հայտնել է տեղական ոստիկանությունը, փոխանցում է ՌԻԱ Նովոստին:
Ռոտենբուրգսորտը Համբուրգի շրջաններից է, որը պատկանում է կենտրոնական թաղամասին. այն գտնվում է Էլբա գետի և նրա Բիլ վտակի միջև։ Տեղական լրատվամիջոցների փոխանցմամբ՝ հրդեհը բռնկվել է տեղական ժամանակով առավոտյան ժամը 04.30-ին:
«Ծխի ամպը շարժվում է դեպի քաղաքի կենտրոն», – հայտնել է Համբուրգի ոստիկանությունը։ Իրավապահները նաև զգուշացրել են օդում ծխի և քիմիական նյութերի վտանգավոր ազդեցության վտանգի մասին։
Հրդեհն ազդել է գնացքների շարժի վրա։ Գերմանական Deutsche Bahn երկաթուղու մամուլի ծառայության հաղորդմամբ՝ միջադեպի պատճառով քաղաքի որոշ կայարաններ փակվել են, իսկ Համբուրգից Բեռլինի և Ռոստոկի ուղղությամբ որոշ երթուղիներ չեղարկվել կամ հետաձգվել են։
