01.02.2026 | 21:17
Փակ են Ամբերդ ամրոց և Քարի լիճ տանող ավտոճանապարհները
Կանանց Հայաստանում սահմանափակում են ոչ թե տղամարդկանց ճնշումները, այլ սեփական կարծրատիպերը. ապաքաղաքական զրույց Արմինե Հովհաննիսյանի հետ. ՏԵՍԱՆՅՈՒԹ
Հաղորդաշարեր
09.04.2023 | 21:02
Factor TV-ի A-politic հաղորդաշարի հյուրն է «Օրրան» բարեգործական հասարակական կազմակերպություն հիմնադիր Արմինե Հովհաննիսյանը: Նրա խոսքով՝ կանայք Հայաստանում բավականաչափ «էմանսիպացված» են, նրանց հիմնական խնդիրները պայմանավորված են ոչ այնքան պետության կամ տղամարդկանց ճնշմամբ, որքան սեփական ներքին սահմանափակումներով: Հաղորդման հյուրը վերապահում է անում, դա վերաբերում է իր և ավելի ավագ սերնդին, իսկ հաջորդ սերունդներն այդ առումով, թերևս, ավելի ազատ են:
Անդրադառնալով ժողովրդագրական խնդիրներին՝ Արմինե Հովհաննիսյանը համոզմունք է հայտնում, որ այստեղ պետք է նժարի վրա դնել տարբեր գործոններ: Խոսքը, մասնավորապես, այն կանանց մասին է, որոնք ցանկանում են երեխա ունենալ և դաստիարակել նրանց առանց երկրորդ ծնողի: Այստեղ պահպանողական մտածողության նկատառումները, հաղորդման հյուրի կարծիքով, պետք է զիջեն կանանց ընտրություն տալու հրամայականին, ինչպես նաև մեր պետության շահերին:
Հասարակական կյանքին, բիզնեսին, քաղաքականությանը կանանց ներգրավվածության առումով Հայաստանը, տիկին Հովհաննիսյանի կարծիքով, վատ դիրքերում չէ: Այստեղ կարևոր են ոչ միայն օրենսդրական նորմերը, այլև կյանքի փոփոխվող պահանջները: Հաղորդման հյուրի համոզմամբ՝ կինն իր հետ բերում է սեր, հանդուրժողականություն և հավասարակշռություն:
Մանրամասները՝ տեսանյութում:
Արամ Աբրահամյան
