16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
Թուրքիայում դիզայների են ձերբակալել՝ հակաէրդողանական կպչուն պիտակների արշավի համար
Քաղաքականություն
07.04.2023 | 22:23
Թուրքիայի արևմտյան Իզմիր քաղաքում հայտնի գրաֆիկ դիզայներ է ձերբակալվել՝ ընտրություններից առաջ նախաձեռնած հակակառավարական արշավի համար, գրում է Bianet-ը։
Դիզայներ Մահիր Աքքոյունը վաղ առավոտյան թվիթերյան գրառում է արել, որ իրեն ձերբակալել են և տանում են Կոնակի ոստիկանության բաժանմունք։ Աքքոյունն ինքնակպչուն պիտակներ է ստեղծել, որոնք քննադատում են նախագահ Ռեջեփ Թայիփ Էրդողանին և նրա կոալիցիոն դաշնակից Դևլեթ Բահչելիին կյանքի թանկացման համար, և կոչ է արել ժողովրդին խանութներում դրանք փակցնել ապրանքների վրա։
Այս արշավն արագորեն տարածվել է սոցցանցերում, որտեղ մարդիկ կիսվել են մթերային և հագուստի խանութներից պիտակների լուսանկարներով:
Պիտակներին հետևյալ գրառումն է․ «Այս ապրանքը ձեզ համար շա՞տ թանկ է, շնորհակալություն Էրդողանին։ Քվեարկելիս սա նկատի ունեցեք»։
Էրդողանի և Բահչելիի նկարով մեկ այլ պիտակին էլ գրված է․ «Այս արտադրանքը թանկ է մեր պատճառով։ Քվեարկելիս նկատի ունեցեք»։
Էմմա Չոբանյան
