Քրեական ենթամշակույթի գործով անցնողների կալանքի ժամկետը երկարացվեց

Լուրեր

18.11.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
18.11.2026 | 23:16
Աբրահամ Խաշմանյանը վերադարձել է մարզչական աշխատանքի
18.11.2026 | 23:03
Ադրբեջանի իշխանությունները պետք է անհապաղ և անվերապահորեն ազատ արձակեն խոսքի ազատության իրավունքն իրացնելու համար բանտարկվածներին․ Amnesty International
18.11.2026 | 22:51
Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը
18.11.2026 | 22:35
Հայ մարմնամարզիկները ոսկե ու արծաթե մեդալներ են նվաճել միջազգային մրցաշարում
18.11.2026 | 22:21
ՌԴ-ն Լեհաստանի տարածքում դիվերսիա էր ծրագրել՝ պատասխանատվությունը Կիևի վրա բարդելու համար․ Rzeczpospolita
18.11.2026 | 22:08
Եկեք գնանք ժողովրդին հարցնենք, մնացածն ի՞նչ կապիկություն է․ Միրզոյանը՝ Դավթյանին. ՏԵՍԱՆՅՈՒԹ
18.11.2026 | 21:55
Աստղագիտության միջազգային բաց օլիմպիադայում ՀՀ թիմն արժանացել է 6 մեդալի
18.11.2026 | 21:44
Պայմանագրային զինծառայող է մահացել
18.11.2026 | 21:35
Իսրայելի խորհրդարանը նոր խոսնակ ունի․ նրան աջակցում են Նեթանյահուի հակառակորդները
18.11.2026 | 21:24
Կոտայքի մարզում վթարային ջրանջատում կլինի
18.11.2026 | 21:13
GTA VI-ը պաշտոնապես թողարկվել է
18.11.2026 | 21:00
Փաշինյանը ԵՄ-ին անդամակցելուց խոսեց՝ բարձրացնելով Պուտինի հետ սակարկության գինը․ Նարինե Մկրտչյան․ ՏԵՍԱՆՅՈՒԹ
18.11.2026 | 20:50
ՀՀ-ն 250 մլն եվրոյի նոր վարկ է վերցնում
18.11.2026 | 20:40
Էդուարդ Բաբայանը՝ «Գործարար»-ի ցուցակով․ ով ում հետ է բացառում կոալիցիան Աբովյանում
Բոլորը

Շիրակի մարզի ընդհանուր իրավասության դատարանում շարունակվել է քրեական ենթամշակույթի գործով անցնողների դատավարությունը։ Այս գործով նոր դատավոր է նշանակվել, որը թվով 4-րդն է։ Գործը մակագրվել է դատավոր Ժենյա Մելիքսեթյանին։

Դատարանը քննել է 8 ամբաստանյալների խափանման միջոցի հարցը՝ երկու ամսով երկարացնելով այս գործով անցնող երկու քրեական հեղինակությունների՝ Սուրեն Ավետիսյանի(Պաշի տղա Սուրո Լեննականսկի) և Արտյոմ Ղազարյանի («Զապի եգան Արտյոմ Լեննականսկի) կալանքի ժամկետը։

Դատարանը մեկ ամսով երկարացրել է նաև Կարեն Վարոսյանի կալանավորման ժամկետը, մնացած 5 ամբաստանյալների խափանման միջոցը թողել է անփոփոխ։

Նշենք, որ ամբաստանյալներից երեքը՝ գործարար Ռաֆիկ Իգիթյանն ու նրա որդին՝ Աշոտ Իգիթյանը, ինչպես նաև Վահան Տեր-Պողոսյանն ազատ են արձակվել գրավի դիմաց, իսկ երկուսի՝ Էդմոն Գրիգորյանի և Ցոլակ Գևորգյանի նկատմամբ կիրառվել է տնային կալանք, ինչպես նաև 30 և 35 միլիոն դրամ գրավ։ Տնային կալանքը նոր խափանման միջոց է, որը Շիրակի մարզի ընդհանուր իրավասության դատարանում առաջին անգամ կիրառվել է այս երկու ամբաստանյալների դեպքում։

Դատարանը բավարարել է նաև այս գործով անցնող գլխավոր ամբաստանյալի՝ Սուրեն Ավետիսյանի փաստաբանների՝ դատաբժշկական հանձնաժողովային փորձաքննություն նշանակելու միջնորդությունը։ Սուրեն Ավետիսյանը մի շարք հիվանդություններ ունի․ առողջական վիճակը գնալով վատանում է։

«Օրենքով գող»՝ քրեական աստիճանակարգության բարձրագույն կարգավիճակ ունեցող Սուրեն Պավլուշի Ավետիսյանին մեղադրանք է առաջադրվել քրեական ենթամշակույթ կրող խմբավորում ստեղծելու համար, իսկ մյուսներին անդամակցելու, նրա հանձնարարությունները կատարելու համար։

Ըստ մեղադրանքի՝ «Պաշի տղա Սուրո Լեննականսկի» մականունով հայտնի անձի նկատմամբ քրեական հետապնդում է հարուցվել՝ ՀՀ քրեական օրենսգրքի 323-րդ հոդվածի 2-րդ մասի 5-րդ կետով, Էդմոնդ Գրիգորյանի, Աշոտ Իգիթյանի, Ռաֆիկ Իգիթյանի, Արմեն Վարոսյանի նկատմամբ՝ ՀՀ քրեական օրենսգրքի 324-րդ հոդվածի 1-ին մասով, «Զապի եգան Արտյոմ Լեննականսկի» մականվամբ հայտնի «օրենքով գողի», Կարեն Վարոսյանի նկատմամբ՝ ՀՀ քրեական օրենսգրքի 322-րդ հոդվածի 1-ին մասով»։

Արմիկ Մովսիսյան