13.09.2026 | 15:08
Tour of Armenia-ի եզրափակիչ՝ չորրորդ մրցափուլը Երևանում
Ադրբեջանի ՊՆ ղեկավարը մեդալով է պարգևատրել Սելջուկ Բայրաքթարին
Քաղաքականություն
03.04.2023 | 22:29
Ադրբեջանի պաշտպանության նախարար Զաքիր Հասանովը հանդիպել է Բաքվում գտնվող թուրքական անօդաչուներ արտադրող «Բայքար» ընկերության տեխնիկական տնօրեն Սելջուկ Բայրաքթարի հետ և նրան պարգևատրել «Ռազմական համագործակցության ոլորտում վաստակի համար» մեդալով, գրում են ադրբեջանական լրատվամիջոցները։
Ադրբեջանի Պաշտպանության նախարարության հաղորդմամբ՝ հանդիպմանը Հասանովը նշել է, որ Ադրբեջանի և Թուրքիայի միջև ռազմական համագործակցությունը հիմնված է բարեկամական և եղբայրական հարաբերությունների վրա և ժամանակի ընթացքում այդ հարաբերություններն է՛լ ավելի են զարգացել և ամրապնդվել։
Շնորհակալություն հայտնելով «ջերմ ընդունելության և հյուրընկալության համար՝ Բայրաքթարը գոհունակություն է հայտնել Ադրբեջան այցի կապակցությամբ և նշել նման հանդիպումների առանձնահատուկ նշանակությունը փոխադարձ համագործակցության ընդլայնման տեսանկյունից»։
Կողմերը քննարկել են Ադրբեջանի և Թուրքիայի միջև ռազմատեխնիկական համագործակցության զարգացման ներկա վիճակն ու հեռանկարները։
Հավելենք, որ այսօր ավելի վաղ Բայրաքթարին ընդունել է Ադրբեջանի նախագահ Իլհամ Ալիևը։
Էմմա Չոբանյան
