07.10.2026 | 23:48
Արթուր Դանիելյանը կալանավորվեց
Ավտովթարի հետևանքով Ադրբեջանի բանակի զինծառայողներ են զոհվել
Քաղաքականություն
03.04.2023 | 22:43
Ադրբեջանի ԶՈՒ-ում հերթական կորուստներն են գրանցվել։ Ադրբեջանական լրատվականները հաղորդում են, որ ապրիլի 2-ին ժամը 21:00-ի սահմաններում ծանր ճանապարհատրանսպորտային պատահար է տեղի ունեցել Աղջաբեդի շրջանի Մինախորլու գյուղի տարածքում։
Ֆարհադ Իբրահիմլին իր վարած «ՎԱԶ-2107» մակնիշի ավտոմեքենայով բախվել է ճամփեզրին գտնվող առանձնատանը։ Արդյունքում ավտոմեքենայի ուղևոր, Թովուզի շրջանի Դուզ Ջիրդախան գյուղի բնակիչ, 1995 թվականին ծնված Էմին Մամեդովը տեղում մահացել է, իսկ վարորդը հիվանդանոցում է մահացել։
Մամեդովն ադրբեջանական բանակի զինծառայող է։ Ֆարհադ Իբրահիմլին նույնպես զինծառայող է, եղել է ադրբեջանական ՊՆ N զորամասի ենթասպա։
Ադրբեջանի ՊՆ-ն դեպքի առթիվ տեղեկություն չի հաղորդում։
Էմմա Չոբանյան
