19.02.2026 | 16:35
ԱՄՆ-ը սկսել է Սիրիայից դուրս բերել իր վերջին զորքերը. WSJ
Արևմուտքի նպատակը չէ՝ ՀՀ-ին սրել ՌԴ-ի դեմ․ վստահ եմ՝ ԵՄ-ն կօգնի Հռոմի ստատուտը վավերացնել՝ նվազ վնասներով․ Գարեգին Միսկարյան․ ՏԵՍԱՆՅՈՒԹ
Քաղաքականություն
31.03.2023 | 19:02
Արդյո՞ք Նիկոլ Փաշինյանի իշխանությունը կկրկնի Սերժ Սարգսյանի արարքը, նոր սեպտեմբերի 3-ի ականատես կլինե՞նք։ Հռոմի ստատուտի վավերացման հարցն արդեն ՔՊ-ական մեծամասնության վավերացման տիրույթում է, կգնա՞ն այդ քայլին, թե՞ 2013-ի սեպտեմբերի 3-ի պես հայկական հասարակությունը կտեղեկանա, որ Փաշինյանն էլ հրաժարվեց իր իսկ սկսած գործընթացից, ինչպես Սարգսյանը ԵՄ-ից թեքվեց ԵՏՄ։
«Ժողովրդավարական հարթակ» հիմնադրամի տնօրեն Գարեգին Միսկարյանը Factor TV-ին տված հարցազրույցում ասում է, որ Նիկոլ Փաշինյանի կառավարությունն այսօր փորձում է ՀՀ ինքնիշխանությունը պահպանել, բայց, ըստ նրա, ամենակարող չէ։ Նա կարծում է, որ իշխանությունը կարող է ճնշումներին չդիմանալ և Սերժ Սարգսյանի պես կարող է ընկրկել, բայց այդ դեպքում պետք է դիմակայի հասարակությունը։
«Ռուսաստանն այսօր սպառնալիքով ճնշում է Հայաստանին, որպեսզի Արևմուտքից օտարվենք, ինքը մեզ պետություն չի դիտարկում։ Սակայն մենք այլընտրանք չունենք, քան Արևմուտքին ինտեգրվելը, եթե ուզում ենք ինքնիշխանությունը, պետականությունը պահպանել։ ՌԴ-ն այսօր փաստացի սպառնում է, և մենք պիտի գնահատենք՝ բլե՞ֆ է սա, թե՞ իրոք կվնասի մեզ։ Ես կարծում եմ, որ պետք է վավերացնել Հռոմի ստատուտը։ Արևմուտքի նպատակը չէ ՀՀ-ին սրել ՌԴ-ի դեմ, ավելի վատթարացնել հայ-ռուսական հարաբերությունը։ Եվ վստահ եմ՝ ԵՄ-ն կօգնի գտնել ձևակերպում, որ անհրաժեշտ է Հռոմի ստատուտը վավերացնելիս, որպեսզի Հայաստանը կրի նվազագույն վնասներ»,- ասաց Գարեգին Միսկարյանը։
Հարցազրույցն ամբողջությամբ՝ ամբողջությամբ։
Ռոբերտ Անանյան
