15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Ուկրաինայում պատերազմի պատճառով համաշխարհային ՀՆԱ-ի աճը կլինի 3%-ից պակաս. ԱՄՀ
Քաղաքականություն
30.03.2023 | 16:00
Ուկրաինայում պատերազմի, ինչպես նաև աշխարհի պետությունների կողմից դրամավարկային քաղաքականության խստացման հետևանքը կլինի 2023 թվականին համաշխարհային տնտեսական աճի կրճատումը 3 տոկոսից էլ պակաս։ Նման կանխատեսում է արել Արժույթի միջազգային հիմնադրամի (ԱՄՀ) ղեկավար Քրիստալինա Գեորգիևան Բոաոյի ասիական ֆորումի ժամանակ, փոխանցում է DW-ի ռուսական ծառայոթւյունը։
«Համաշխարհային տնտեսությունն արդեն բավականին երկար ժամանակ անհանգիստ միջավայրում է՝ ցնցումը ցնցումի հետևից ապրելով։ Մենք ակնկալում ենք, որ 2023 թվականը կլինի ևս մեկ դժվար տարի»,- ասել է նա:
«Ցածր տոկոսադրույքների երկար ժամանակաշրջանից արագ անցումը գնաճի դեմ պայքարի համար անհրաժեշտ շատ ավելի բարձր տոկոսադրույքներին՝ անխուսափելիորեն տուրբուլենտություն է ստեղծել որոշ զարգացած տնտեսությունների բանկային հատվածում և է՛լ ավելի դժվարացրել քաղաքական որոշումները»,- շարունակել է ԱՄՀ ղեկավարը:
Նրա կարծիքով՝ համաշխարհային տնտեսությանը սպասվող դժվարություններին դիմակայելու միակ ճանապարհը համագործակցությունն ու համերաշխությունն է։
Տաթև Ֆռանգյան
