09.09.2026 | 14:56
«Սուտ եք խոսում, Տավուշից Ադրբեջանին գյուղ չի հանձնվել»․ բանավեճ՝ Ղալումյանի և Ղազարյանի միջև․ ՏԵՍԱՆՅՈւԹ
Թեղիները խորը էտեցին, ծառերի դիմադրողականությունը իջավ․ Քրիստինա Վարդանյան․ ՏԵՍԱՆՅՈՒԹ
Տեսանյութեր
30.03.2023 | 14:17
Բնակավայրերի կանաչապատումը կոմունալ հիգիենայի խնդիր է։ Այդ խնդիրը լուծելու համար դենդրոլոգները ընտրում են, թե ինչ ծառատեսակներ տնկեն։ Այս մասին այսօր հրավիրված ասուլիսում նշեց Երևանի ավագանու անդամ, Երևանի պետական բժշկական համալսարանի Հիգիենա և էկոլոգիա ամբիոնի դոցենտ, բժշկական գիտությունների թեկնածու Քրիստինա Վարդանյանը՝ խոսելով Երևանում շարունակվող ծառերի զանգվածային հատումների հետևանքների և վտանգների մասին։
«Սանիտարական ծառատեսակ է և՛ հացենին, որ նախկինում ընտրել են դենդրոլոգները, և՛ թեղին, որն ամենալավ փոշեկլանող ծառն է և Հայաստանի ամենահին ծառն է, մեզ համար շատ բնորոշ ծառատեսակներից են նաև բարդին և ուռենին, ինչպես նաև մրգատու ծառատեսակները։
Մենք պարտադիր այնպես պետք է անենք, որ մեր տարածաշրջանի ծառատեսակները տնկվեն, իսկ եթե այլ ծառատեսակներ ենք ուզում բերել, ապա դրանք պետք է լինեն այգիներում՝ փոքր քանակով։
Ծառերի խոր էտը առհասարակ արգելված է։ Երևանում թեղիները խոր էտի ենթարկեցին, և այդ ծառերի դիմադրողականությունն իջեցրին, ու ծառերը չդիմացան միջատների գրոհին։
Առաջացած խնդիրները կապված են ծառերի խնամքի հետ, եթե ծառերի խնամքը չապահովենք, ինչ ծառ էլ լինի, հիվանդանալու է, սակուրան էլ անվերջ հիվանդանում է լվիճներով և սնկային հիվանդություններով։ Պետք է հասկանանք՝ ինչ ծառատեսակ ենք ընտրել և ինչ խնամք պետք է իրականացնել»,- նշեց մասնագետը։
Մանրամասները՝ տեսանյութում։
