19.03.2026 | 23:17
Էստոնիան մեղադրել է Ռուսաստանին օդային տարածքի խախտման համար
Հատել են առողջ ծառերն ու փոխարենը տնկել պատվաստված սակուրաներ․ Անահիտ Թարխանյան․ ՏԵՍԱՆՅՈՒԹ
Հասարակություն
30.03.2023 | 13:51
«Քաղաքացիները շատ վրդովված են ծառահատումներից, այդ վրդովմունքը նաև մեզ է փոխանցվում,- այսօր հրավիրված ասուլիսում այս մասին նշեց Արթուր Թարխանյան մշակութային կենտրոնի հիմնադիր֊տնօրեն, ճարտարապետ Անահիտ Թարխանյանը՝ խոսելով Երևանում շարունակվող ծառերի զանգվածային հատումների հետևանքների և վտանգների մասին։
«Թամանյանը նախագծել է Երևանը որպես քաղաք-այգի։ Այսօր մեծ-մեծ խոսում են, թե ինչպես են իրականացնում ծառերի հատման միջոցառումներ, բայց ծառերը հատում են և նրանց բաց վերքերը թողնում են չմշակված։ Եթե խոսում ես ծառի առողջության մասին, անպայման նրա վերքերը պետք է մշակվեն։
Քաղաքապետարանի որոշմամբ պետք է հատվեն բազմաթիվ առողջ ծառեր։ Խոսվում է Կասկադում սակուրաների տնկման մասին։ Սակուրան գեղեցիկ է, բայց այն չի կարող աճել Հայաստանի պայմաններում, այն խոնավ միջավայրում է աճում, նախ՝ դա այն սակուրան չէ, որը ցույց են տալիս ինտերնետով, դրանք 2 մետրանոց պատվաստված թփեր են, որոնք երբեք մեծ ծառ չեն դառնա։ Սարյան փողոցում տնկված է 5 սակուրա։ Իսկական սակուրաները միգուցեև աճեին Երևանում, այս թփերը չեն աճի։
Եթե նոր ծառեր եք ուզում տնկել, տնկեք, ինչո՞ւ եք հները կտրում, մի՛ կտրեք»,- դիմելով քաղապետարանին՝ հորդորեց Թարխանյանը։
Մանրամասները՝ տեսանյութում։
